探險家攻略 > 休閒玩樂 / 城中探秘 / 旅遊 > 其他 / 特色景點 / 博物館 / 古蹟 / 廟宇 / 其他 / 長線旅遊 > 土耳其八天之旅第 (7)天加第八天回港篇

土耳其八天之旅第 (7)天加第八天回港篇

由白果魚神於 2011-10-10 00:00:00 發表 | 累積瀏覽 389

分類：其他長線旅遊特色景點博物館廟宇古蹟其他；地區：其他

10-10-2011 (第七、八日）

今日可以晏Ｄ起身，07:00起床，食過早餐，準備去遊船河！見仲有Ｄ時間，喺酒店四圍逛吓先。

呢間五星酒店個泳池咁細嘅！

呢架就係我地嘅旅遊巴喇。

架車上緊行理，我地就影吓相先。

Ｄ的士又靚又乾剩。

夠鐘上車出發喇；沿途嘅街景。

廿分鐘度就到咗碼頭，準備上船暢遊「博斯普魯斯海峽」，呢個項目係自費嘅，收費係 US＄55美元，呢個海峽分隔咗歐洲、亞洲兩地，千幾年前己經有歐洲富商喺海峽兩旁，起建豪華別墅，我地就黎乘坐遊艇沿岸欣賞。

呢架遊艇黎接我地喇。

上船先。

船艙須然有空調，但係我地就鐘意坐頂層，空氣好、視野清晣，影相就更方便。

揾枝【土耳其】國旗做背景至得。

開始欣賞兩岸嘅風景。

呢個泡躉企滿海鳥，下面可能有黃腳都未定喎！

我地開始欣賞沿途兩岸景色，背景就係我地日前自費參觀果間「杜馬伯爵皇宮」喇。

「博斯普魯斯大橋」

呢間係建築喺水上面嘅餐廳。

呢間係少年航海學堂。

岸邊有人釣緊魚喎！

艇釣都有，唔通呢度真係咁多魚釣！好~等我中咗六合彩，發咗達就再黎呢度專係釣魚。

呢架貨船由呢度出去就係「愛琴海」喇。

古代建築嘅城堡，守住通往「愛琴海」嘅出口。

聽導遊講，呢幾座別墅喺呢度係最貴個喎！

少年航海學堂。

條大橋喺間屋頂度挎過都得！

遊咗個半鐘船河，10:00就埋岸喇！

跟住上番車去參觀【伊斯坦堡】有名嘅「藍廟」。

當地回教女性嘅裝辨。

呢間就係【土耳其】有名同埋有六枝拜望塔嘅「藍廟」喇！

偷拍隔離架車！

呢度就係「藍廟」喇，由於廟內牆壁舖滿咗藍色嘅磚塊，所以得呢個名，廟嘅外面就共有六座拜望塔，數目剛好同「聖城麥加」嘅回教寺相同而惹起當地人不滿，後尾「麥加」嘅回教寺就起多一座拜望塔，咁先至平息咗呢段紛爭。

尖頂型果Ｄ就係拜望塔喇，數數佢共有六座。

入去裹面參觀吓先。

呢座就係其中一座拜望塔喇！

廟內嘅頂部都係圓拱形嘅建築。

個個都要除咗對鞋揸住喺手。

呢位土耳其靚太話要同我地合照喎。

大人行到攰，坐低抖抖。

參觀完「藍廟」，出番去再行過幾步就到咗另一景點「杜伯奇皇宮博物館」，皇宮充滿『波斯』風情同『中國』色彩，位於「博斯普鲁斯海峽」與「金角灣」之間，係蘇聯黑海艦隊同貨船出入地中海嘅必經之路，係軍事同經濟交通嘅重點。喺皇宮裹面有上等嘅中國瓷器、瓷磚，充滿民族色彩，裹面仲陳列住好多嘅寶物，白、紅、綠、藍珠寶金飾，仲有全世界第二大嘅巨型鑽石，重86卡，最可惜皇宮裹面唔准影相，唔能夠同大家分享。

咁唯有喺外面影多Ｄ囉！