探險家攻略 > 城中探秘 / 購物 / 旅遊 / 美食之旅 > 特色景點 / 古蹟 / 飲品美食 / 長線旅遊 / 餐廳 > 土耳其八天之旅第 (6)天之下篇

土耳其八天之旅第 (6)天之下篇

由白果魚神於 2011-10-09 00:00:00 發表 | 累積瀏覽 423

分類：長線旅遊餐廳特色景點古蹟飲品美食；地區：其他

9-10-2011 (第六日） 下午:--

我地喺上午睇完木馬，乘渡輪由「加利波利市」到「加歷其鎮」前往「伊斯坦堡」。

食咗午餐就繼續行程！

14:00到咗「伊斯坦堡」，呢度比之前幾個城市都繁盛，建築物比較高，車都多Ｄ。

一到埗，第一個景點就係「聖蘇菲亞大教堂」，佢原本係基督教會興建嘅，後來比伊斯蘭教取代咗基督教喺【土耳其】嘅地位，跟住就變為伊斯蘭教廟宇喇，呢座教堂喺公元537年，由查士丁尼大帝興建，係一座〝拜占庭〞式嘅建築物，圓頂，室內冇柱，喺裹面仰望宏偉嘅圓拱堂頂，比人有一種自由輕快嘅寬闊感，個人好似飄浮喺空中咁樣！

都幾多人入去參觀架。

喺門口外面以經見到個圓頂喇。

中間無柱嘅拜占庭式嘅建築物。

圓形頂部好有立體嘅感覺。

呢種階梯好熟面口喎！係喇~我地喺埃及Ｄ清真寺都見過。

你詁大人喺度玩勿野吖嗱！

原來要喺個窿度，插隻手指公落去，然後成隻手要唔准離開塊銅板轉一個圈，咁就會有運行咁話！

既然有運行，梗係唔執輸，個個排住隊去轉喇！

大人又到此一遊。

行出外圍都有Ｄ野睇架。

呢個飲水机幾特別！佩埋隻杯比你飲水。

呢個可能係Ｄ主教之類嘅墓地都未定！

參觀完「聖蘇菲亞大教堂」就行番出去，見到我地聽日先至參觀嘅「藍廟」，咁就影定張相先。

出到外面，因為架旅遊巴泊得遠咗，咁我地就徒步過去上番車喇。

Ｄ的士顏色幾鮮艷，又乾剩喎。

跟住落黎上番車就去〝自費〞嘅「杜馬伯爵水晶皇宮」喇！收費係每位US＄50元。

行車途中又見有人釣緊魚。

呢個唔知係乜水，望住幅爛地。

嘩!!呢度仲多人釣魚呀，如果個景點喺度就冇衰喇！可惜係行車途中呢~

Ｄ黃色的士真係好靚。

廿零分鐘車程，話咁快就到咗「杜馬伯爵水晶皇宮」喇！呢座係【土耳其】最有價值嘅皇宮，宫內係〝落可可式〞設計，用黃金同銀修飾成唔同嘅房間；大廳天花畫令我嘆為觀止；仲有全世界最大嘅水晶吊燈同埋最昂貴嘅手織地氈等，每一件物品都價值連城，令我概嘆皇宮嘅豪華氣派！可惜宮內係唔比影相，冇辦法將呢Ｄ咁靚嘅野同大家分享，真係唔好意思！(呢個行程係自費架！每位US＄50美元。)