7-5-2010 (第四日) 回港篇
今日係我北海道之旅，最后嘅一日行程，主要都係去充滿歐陸色彩，浪漫景色之港口【小樽市】，參觀小樽運河，漫步於運河歐陸情懷嘅街道，仲有玻璃趣緻街。
早餐都係喺酒店食自助早餐，好正！
食咗早餐就出發往小樽市喇！
在途中嘅風光
到咗目的地喇，我地落車就自由活動喇。
店員好落力咁叫賣。
黎咗北海道幾日，先至第一次見到櫻花開。
呢個燈塔以前係喺海邊，比Ｄ船隻導航用嘅，因填海關係，而家以經喺街道入面，做咗古董喇！
天主教堂。
商店內嘅玻璃制品。
行得口喝，又整杯軟雪糕先。
Ｄ樹一片葉都冇個喎，好怪!!
又係食中午飯嘅時間喇！係喺一間叫運河倉庫嘅餐廳食晏，呢間餐廳前身真係倉庫黎架！
今次係石煱料理，好多肉，啱晒我尼個食肉獸，再加埋烏冬！正呀。
炸物(我冇食)我諗係雞尼掛。
大人最鐘意食烏冬，你睇佢幾開心就知喇！
食飽晏晝，就出去參觀小樽運河喇。
在區內仲有保留當年嘅人力黃包車，載遊客環繞運河一圈，拉車嘅手車夫仲係Ｄ後生仔尼架。
各位觀眾，著名嘅北海道小樽運河嘅河水幾靚!!仲有埋顏色添喎.....係(黑啡色)。
果度好多海鷗。
Ｄ海鷗唔怕人個喎，仲專登企埋我地度，同我地影相添！
好難得Ｄ海鷗咁乖，所以就同大人合照一幅喇。
啊!!!!!!!!!!!!原來係有人養嘅。
遊完小樽市，就乘車前住机場，結束我嘅北海道之旅喇！
一到機場，大家都買咗好多手信，喺道忙於執拾行理。
我地一早執好晒，唔使同佢急。
仲可以有時間去機場餐廳食野添。
上咗机，準備起飛。
飛機航行途中。
抵達香港時，已經係晚上十時四十分喇！
落咗機，攞埋行理入境，搭番机場巴士，回到闊別多日嘅屋企都成十二點幾囉！
呢Ｄ手信，大多數都係買比三公主嘅，因為佢最鐘意食埋呢Ｄ咁嘅日式食品，例如天婦尤魚、即食紫菜、鯛魚乾、帆立貝、白之戀人朱古力等等！！
