前言:話說早兩晚，我一不留神，誤點一個不
知名網頁，佢即刻就送咗隻『木馬』比我，
另到所有野都唔開得，仲要向我收錢先可以
開番，谷鬼氣我就拔去插頭，日幾兩日都冇
開機。好彩今日得大女婿黎同我將隻『木馬』
劏咗，真係多個半邊仔幾好吖，攪咗一輪，
OK攪掂番個腦，依家先可以寫埋喺新西蘭第
八日下午嘅野，唔講咁多，言歸正傳！
9-3-2011 (第八日)下午篇
上午玩完冰川歷奇，食埋好正嘅午餐，就上車
出發往保加傑湖。
到咗目的地，睇落都係湖一個，冇勿特別啫，
不過天湖一色，都幾難得一見。
遠處嘅係『庫克山』，係【新西蘭】
嘅最高峰。
再上車去到『翠斯』嘅「狄加寶湖」喇，岸
邊有座以石頭砌成嘅牧羊人小教堂。
『狄加寶湖』係全國第九大湖，係南阿爾卑
斯山脈嘅冰河融解後注入呢個湖。
路邊有棵草，好似一張梳化咁，我地就順便
坐低休息吓，都幾舒服個喎。
大人背後嘅就係牧羊犬銅鑄雕像。
佢講咩呢？梗係有關於呢隻牧羊狗架喇。
成張甫士咭咁樣。
路邊的野花........你不要採~~
開船去釣魚囉！(發開口夢)
17:30番酒店，回房間休息咗一陣，跟住過去
酒店餐廳食晚餐，呢餐有牛有羊有豬，樣樣
齊，今次又可以盡情咁大嚓一餐。
食飽飽，各團友傾吓天南地北，坐到成八點
幾先至番房休息。
我就同大人出去行咗陣先至番房，因為聽日
要搭飛机回港，所以執好行理，嘆埋杯奶茶
，跟住就瞓覺喇。
聽日係第九日(回港篇)敬請留意推出！
感謝 白果魚神 提供以上資料
白果魚神的網誌: http://a991952.blogspot.hk/
