6-5-2010 (第三日)
今日行程(1)雪之結晶俄羅斯城堡館。(2)富裹野美瑛觀賞室內外薰衣草。(3)狸小路開心購物。
朝早喺酒店內食自助早餐。
出發去雪之結晶俄羅斯式城堡館，途中落車小休。
城堡館外留影。
跟住入館內參觀。
裹面真係有冰雪個喎！
不過係比玻璃隔住咗嘅。
仲有個表演場地添。
開會用嘅廳房。
跟住就向富良野(美瑛)進發喇！
沿途風光如畫，遠處仲可見到雪山添。
到咗富良野(美瑛)，不過都唔係好靚啫
我地入薰衣草工場，親身体驗制作薰衣草枕頭，整好之後，仲可以取走留念。
玫瑰小姐話要整一個比佢隻貓貓瞓喎！
見有幾架雪車喺度，我就唔客氣喇，跳上車玩下先。
中午喺埋裹面食晏，呢餐係(鐵板燒)。
你睇佢地幾認真。
食飽又出去週圍行吓。
大人都忍唔住騎上去影番幅。
花田嘛嘛地喇！
溫室內嘅花奔。
賞完花就番札幌，去(狸小路)買手信喇。
途中經過嘅山區，都有Ｄ積雪未溶。
番到札幌喇。
札幌市內仲有Ｄ咁古舊建築嘅房屋。
到咗狸小路喇，我地喺中間第五街開始掃落去。
掃完貨見餓餓地，就行去附近出名嘅拉麵街食拉麵。
入去睇有乜靚麵食先。
叫咗醬油义燒拉麵同味噌天婦囉拉麵。
肥仔哥哥好比心機咁整。
Ｄ麵煮好出黎都係好普通啫，大人就話：「你整得好食過佢多多聲」，聽完我心即刻甜晒。
呢條就係拉麵街。
晚餐時間又到喇，今晚係食網燒。
團餐嘅食料。
自費嘅就犀利喇，有神户牛，仲有最頂级嘅松阪牛；有証書嘅松阪牛，成千港元一件，食落去真係赤赤地，不過人一世物一世，點都要試吓嘅！
神户牛就低食Ｄ，比松阪牛平一半，都要五百幾蚊，但食落去真係有Ｄ分別。
先食咗Ｄ下價野先。
跟住先食Ｄ正野，入口即溶，真係鬆化到不得了。
玫瑰小姐仲要加多隻鲍魚。(未熟時)
煮熟後食落都好普通啫。
今晚食得好滿足，番酒店沖杯奶茶飲吓，跟住就上床瞓覺喇。
聽日有勿攪作，請看下回分解!!!!!!!!!!!
