5-5-2010 (第二日)
景點係(1)熊牧場(2)登別伊達時代村(3)北廣島OUTLET購物城，但以我尼講，至重要梗係晏晝果餐海鮮火煱啦。哈哈!!
呢個係酒店提供嘅自助早餐，都唔錯。
食飽未上車就週圍影吓。
出發去熊牧場途中，遠處見山頂仲有積雪。
熊牧場入口。
小熊喺地上嘻戲。
我地買咗Ｄ水果餅干用黎餵佢地，睇唔睇到後面有隻同我地Hi呀。
尼隻好醒目，一見我地就即刻請請，咁梗係最先有蘋果食果隻喇。
尼隻仲犀利，學尊特拉華達跳油脂舞添呀!!
吓!!冇嗱........
玫瑰小姐最落力餵Ｄ熊。
喺熊商店，大人好鐘意尼隻白熊公仔，不過價錢就!!!!!!!!!所以冇買到，咁就影幅相算喇！
(大人)：尼隻仲得意喎，(我話)：係呀....係呀....!!!!
出番大門口我先鬆口氣，上吓鏡先！
遊畢熊牧場，跟往就去登別伊達時代村喇！此村為復現日本古代名將伊達藩王300年間嘅歷史而建嘅民俗村，內設有甲賀忍者屋，片倉小十郎屋，芝居小屋同埋戰場舞台等等，我地可以玩吓古代忍者設計嘅沿門暗道同埋Ｄ飛標武器。
我地正在入村。
尼條友仔唔知我企喺佢後面喎！
閉喇！比另外一個發現添，同佢屎過。(我又喺度攪攪震喇)
人喺尼間屋內係企唔穩喎，真奇怪！
忍者係度...練功(兒童不宜)。
我地出番去都暈暈地。
又入去妖怪屋玩吓先。
有乜野吖！
嗯~~
點解佢條頸......
走呀!!!有鬼呀!!!
跟住去招財貓屋。
睇埋一場別開生面嘅忍者表演劇就離開喇。
卒知等到食中午飯時間喇！呢度就係海鲜市場，在場內簡選咗Ｄ海產，立即攞上餐廳整尼食。
長腳蟹呀!!!!!!!!!
買好哂就去開餐喇喂。
尼碟海鲜火煱料係團餐提供嘅！
以下嘅就係自費嘅海鲜喇！
我第一次食嘅(長腳蟹刺身)。
玫瑰小姐同我嘅至愛(海胆刺身)。
好好味呀!!!!!!!
食飽飽就行街街喇。
因為今晚嘅晚餐係自費，所以我地訂咗Ｄ蝦呀，帶子呀咁，外賣送黎酒店，喺自己房間內開餐，都幾得意喎！今晚入住嘅酒店係菓子王國溫泉酒店，尼間酒店又係有露天溫泉喎，唔准著衫果隻呢！仲有埋泳池添，正呀!!我地浸完溫泉，番上房，Ｄ食物就送上黎喇！
尼Ｄ就係我地喺房度食嘅晚餐。
枕頭帶子刺身，真係好鬼大粒架。
唔記得咗叫咩蝦！係一種花嘅名黎嘅，Ｄ大蝦刺身都好巨型，又鮮甜！正.....
加碗即食碗麵，嘩！又飽飽囉。
再加埋杯餐後甜品，今晚實好瞓囉！
是夜一宿無話，請看下回分解！
