14-6-2010 (第六日)
因為今日要飛番莫斯科，所以係06:30就要起床喇，食埋早餐，就上車往机場。
中途經過抗敵記念碑，大家落車影吓相。
到咗机場候机室喇，呢個內陸機場好新，運作咗幾個月咋！保安都好嚴，鞋都要除埋檢查，但係水反而可以過到喎！我嘅寄倉行理依然冇比佢地打包!!睇吓點........
上机喇，地勤人員叫我地唔好影相，我彩佢都儍，照影可也，又如何！
又番到莫斯科喇。
落機出咗機場，就往前沙皇『尼古拉二世』皇宮享用所謂俄羅斯大餐。
上到呢Ｄ皇宮黎食餐我都係第一次咋，Ｄ待應係穿著古裝工作，上菜好慢，吃完一道菜要成15分鐘先有第二道菜送上。
呢個主菜距離第一道菜相隔成個鐘頭。
食飽週圍行吓參觀吓！
廁所都好高格調喎，呢個係男廁，女廁欠奉。
行番出黎准備上車去聖母升天大教堂參觀。
話咁快就到咗喇，堂內影相要收費，最唔好所為，我慣性杯葛，唔影就吧！
由尼座尖頂建築物行入去。
以前西方Ｄ大炮真係勁，我國都未見過尼Ｄ古董，唔怪之得次次都比人打到落花流水喇。
背影就係聖母升天大教堂。
呢個【沙皇大鐘】係教堂未用過嘅！點解？......
話說當時教堂正在建造緊，【沙皇大鐘】准備掛上鐘樓，點知發生火警，咁Ｄ人梗係用大量水灌救喇，但個銅鐘比火燒到紅晒，突然比凍水一淋，咁就爆裂咗一咈出尼喇，所以就咁放喺度，放到依家囉！
聖母升天大教堂。
往食晚飯途中，經過聖彼得大帝銅像，大家又落車影吓相，圖中呢條電纜真係大殺風景喇。
車到咗劏(唐)人餐館，我地落咗車，見對面有座建築物好特別，就影低佢先。
又開餐喇，我又係撈湯食飯。
食飽飯就去睇世界有名嘅莫斯科馬戲團喇。
今次個位置OK喇。
影影吓有人埋黎話唔比影相喎，所以老虎同狗狗都冇影到，剩係影咗Ｄ海獅咋！
車!!小兒科，把鬼........都唔夠長隆Ｄ馬戲好睇。
散場之後人人都好攰，咁就番酒店早Ｄ休息喇。
欲知事後如何，請看下回分解！
