13-6-2010 (第五日)
噚晚瞓得最舒服，今朝又成八點先起床，喺酒店食埋自助早餐，09:30先出發。
今次我地酒店間房，望出去係「波羅的海」，無敵大海景，晨早起身，開窗嗦番啖新鮮空氣，另人心曠神怡架！
大人展示剛喺酒店商場買比朋友嘅10件裝木套娃娃。
跟住上車往今日嘅第一個遊點「隱士盧博物館」(冬宮)，佢係世界三大博物館之一，館內藏有世界珍貴嘅名畫同雕像，如著名嘅達文西、畢加索等一代名家油畫，都在館內展出。
行車途中。
遠處已望到(冬宮)喇。
一落車就嗱嗱聲喺冬宮正門影番幅相先。
我地幾個老友齊齊都要影。
經過穹門，就進入館內喇。
達文西名畫「浪子回頭」。
請留意下Ｄ女士嘅目光！
果陣時Ｄ人興肥大肉厚個喎！
畢加索名畫「失去自由的狗」。
你睇佢畫呢隻狗嘅眼神幾咁無奈，幾咁可憐！
呢幅名畫就經典喇，有冇人話我知個故事同人物呀。
呢幅係人都知佢地係乜水喇。
皇帝寶座(龍椅)，後面係俄國嘅國徽【雙頭鷹】。
離開咗冬宮，又係食中午飯嘅時間喇，呢餐又係「食西」，好彩我喺早餐食多Ｄ啫。
大人好友俄姐同占占。
前菜沙律~~把鬼。
三文魚子醬~~把鬼。
麵包~~一般喇。
呢Ｄ地道羅宋湯就......我情願飲港適嘅羅宋湯喇！
今次呢個又有Ｄ味道喎，不過Ｄ豬肉淡而無鮮味！
甜品雪糕就OK喇。
食飽飯就跟住去「彼德」夏宫。途中一路都綠草如茵，空氣清新。
呢度係彼得大帝當年嘅避暑勝地，位於芬蘭灣畔，夏宮建於1714年，宮內有七個公園，二十個大小皇宮，其中一個為夏宮，宮內嘅廳房佈置，金碧輝煌，艷麗奪目，位於前面之御花園，設計別具心思。
![]()
由呢條河嘅前面出口，就係「波羅的海」喇。
背景綠得黎幾綠。(有陽光)
冇陽光影出黎Ｄ色真係爭好遠。
遊完夏宮個天又落雨，好在走得快啫。
跟住就去劏(唐)人餐館食晚飯，因為今晚去睇芭蕾舞，所以早些少去食飯囉！
食飽晚飯，就黎到大劇院睇蜚聲國際嘅芭蕾舞(天鵝湖)嘅表演，我都係第一次睇咋，唔好瞓著覺就得喇。
見個位置唔係好正，趁未開始，就同大人走去正中間冇人坐果Ｄ位度。
開始喇。
中場有得休息個喎，你睇九點幾仲幾猛太陽！
中場休息，我同陳先生鼠咗出去行吓，鬆吓根骨先。
跟住入番去睇埋下半場!!!!
卒之散場喇，大人就瞓足全場，跟住返酒店。
成十一點，太陽仲未落山!!
欲知事后如何，請看下回分解！
