7-3-2011 (第六日)
黎咗【新西蘭】咁多日，今日算係最早起身，因為要往『美福峽灣』，所以06:00就要起床，食番個飽飽嘅早餐先。
今日除咗早餐，全日自費，所以食早餐果時，順便撻起Ｄ雞旦，香腸，火腿，留番今日嘅午餐加餸！
食過早餐就出外面坐吓，呼吸大自然嘅清新空氣。
酒店外嘅風景一樣咁靚。
上車出發喇，呢一程因為係由當地旅遊公司做，要坐番佢地Ｄ車，好彩又係大車，同車又冇其他外國人，所以坐得好鬆動！
向『美福峽灣』出發喇！
沿途停車小休，食番杯雪糕。
經過好多靚湖峽谷。
背景係艾利峽谷。
黎到叫做『鏡湖』嘅地方，停車比我地落去行吓影相。
比隻野鴨破壞咗湖面嘅倒影添！
等佢潛咗落水底捉魚果陣就好Ｄ喇！
咁我地就嗱嗱聲影張先。
呢種植物叫〝地衣〞，聽講話要空氣中有好高嘅負離子，先至可以生長出黎個喎！
指示牌介紹喺呢度出沒嘅動物。
呢張係公園蹬尼架，佢嘅形狀做到係代表【新西蘭】嘅國葉〝蕨〞咁樣。
到咗猴子溪。
我地行落去，用樽裝Ｄ冇污染嘅溪水黎飲，真係清甜可口。
沿途經過隧道，穿過大山。
到咗「CHAMS」參士瀑布就停車比我地參觀，呢度嘅岩石，經幾萬年嘅水沖擊，形成一個個洞，好趣怪。
呢棵〝蕨〞生得幾有氣勢！
到咗『美福峽灣』碼頭喇！
准備上船。
上到船，香港嘅團友，第一時間就即刻開餐，我地各自帶備碗麵，加埋喺早餐撻嘅餸，好快就有得食喇，香港人係米好醒呢！
唔駛同其他外國人咁樣，慢慢排隊買餐先有得食，我地食飽佢地有Ｄ都未買到餐。
我地一食飽就上船頂甲板面影相，開始見有Ｄ「海獅」喺岩石上曬太陽，我都係第一次見野生「海獅」咋。
開頭以為有Ｄ乜野睇，原來係條小瀑布。
嗯!!水面有Ｄ野游緊喎！
呀!!野生「海豚」呀，都係第一次見，仲要係成群添，都有拾幾廿條喎！可惜我部下價相机影唔到佢嘅真身。
我地架船，去到呢度就掉頭喇。
又見到岩石上嘅「海獅」，呢次有十隻八隻。
前面好似有Ｄ野睇喎！
好大嘅瀑布呀！
老虎都要影幅勁Ｄ嘅!!
走呀！再埋Ｄ唔走就濕身喇。
大人話:你使唔使咁勇呀！
咁就結速呢次『美福峽灣』嘅行程喇。
回程喺車上仲見到有日環出現。
番到酒店，番房抖咗一陣，就出街揾野食喇！
行到邊都有香噴噴靚靚嘅玫瑰花。
認住Ｄ路先，驚住番黎天黑行錯方向。
影低個路牌就唔怕唔識番黎喇！
一路行番落商業區，見有個郵筒好似個冰箱咁樣，好得意。
入到去一個好似美食廣場嘅商場，幫襯日式料理，炒咗兩碟烏冬。
團友就食湯麵。
食飽就出去行咗一陣就番酒店休息喇！第七日更精采嘅行程，敬請留意，好快推出 !!
感謝 白果魚神 提供以上資料
白果魚神的網誌: http://a991952.blogspot.hk/
