6-3-2011 (第五日)
今日要乘坐內陸机，前往【新西蘭】嘅『南島』，
所以喺07:00就起床，梳洗好同執埋Ｄ行理，見未到
早餐時間，就落酒店樓下週圍行吓。
噚晚冇影到，今朝補番，喺我地酒店度
，可以通往SKY TOWER電視塔。
跟箭咀行入去就係賭場喇！
賭場電子廣告牌。
食埋早餐仲有大把時間，出去街外面行吓先。
SKY TOWER嘅底部。
由地下望上去都幾高吓，呢度仲有〝SKY JUMP〞玩下！
呢架大白沙巴士夠經典喇掛！
呢度都有香港文化〝茶餐廳〞！
上車出發往机場飛去美麗嘅『南島』喇。
個机場好似巴士站咁樣，仲可以帶水過安撿上机喎，
同喺俄羅斯就爭得遠喇！
上咗机起飛喇，簾價机票冇野食，要飲野食
野就比錢先至有得傾。
飛個零兩個鐘，好快就到咗『南島』喇。
登上來接我地架旅遊巴，就直駛往【新西蘭】
『南島』著名旅遊區〝皇后城〞。
經過直升机場，我地會喺第七日，坐呢Ｄ直
升机上雪山冰川探險架！
沿途Ｄ民居，好有渡假屋嘅感覺。
天公做美，陽光普照，加上湖光山色，另人
心曠神怡。真係未黎過『南島』，都唔算黎
過【新西蘭】~
你睇Ｄ人幾休閒寫意吖~
唔好客氣，食午餐先，今次食唐餐。
呢餐Ｄ飯餸都唔錯，味道都好惦。
鬼佬野...〝炸恐龍〞！
喺湖邊，有一個馬拉松音樂會，係為咗喺基
督城發生嘅地震來籌款。
好多人坐晒喺草地上，欣賞音樂籌款表演。
大人都坐埋一份。
狗狗都黎捧場。
聽咗陣歌就繼續週圍行吓。
呢個銅像有段古嘅........！
Ｄ湖水好清，好遠都見到水底。
喺沙灘執到枝〝架生〞，又攞黎攪攪震。
唔驚人嘅海鷗，喺透明嘅湖水上暢泳。
呢對水鴨喺草地上，好舒服咁曬太陽，如果
佢地生長喺我國，下場會係點呢........！
寫住皇后城嘅標誌。
呢度Ｄ屋，都有百幾年嘅歷史架。
呢度有幾分似日本北海道嘅『小樽』喎！
有吊車上山頂。
我地連超市都入去行吓，順便買樽奶，用黎
今晚沖奶茶。
電話亭又玩一餐。
又行番落湖邊，呢次行過去碼頭果邊。
發現咗租船出湖釣三文魚嘅廣告牌。連船家
釣具收60紐元一個鐘，最少兩個鐘，都唔係
好貴，可息冇伴，如果唔係，出去釣番三四
個鐘都幾爽。
我見果Ｄ係路亞竿，橫攪上咗布繩，我睇係
拖假餌嘅！冇計喇，蛋家雞見水~
有架快艇上緊岸喎！
原來有架車拖住嘅，可能拖番屋企都似。
冇得去釣魚，唯有望多兩眼架釣魚艇囉~
跟住上番車，去山頂睇當地Ｄ豪宅區。嗯!
有人玩緊滑翔傘喎！
新式消防車。
古老消防車。
路邊嘅魯冰花，有幾隻顏色過喎。
上到山頂望番落去，嘩!!真係靚到吖，筆墨
難以形容。
呢間屋係我嘅(發開口夢)，入黎飲杯茶食個
包吖！
豪宅區積係豪宅區，一花一草都咁靚。
睇完樓就去食晚餐，呢餐就巴閉囉，食龍虾
，鮑魚，三文魚刺身！
食飽飯就番酒店喇，今日入住嘅係『皇后城』
COPTHORNE酒店，住兩晚。聽日晨咁早就要
起身，去美福峽灣，所以今晚嘆完杯奶茶就早
Ｄ休息。
想知美福峽灣有勿野睇，請繼續睇我嘅精彩
第六日喇！
