10-6-2010 第二日
當日09:15先至出發，所以睡覺時間充足，各人都好精神。
今日嘅重頭戲就係遊覽【俄國】注名嘅地標『克里姆林宮』、『十五金人噴泉』、地下皇宮~即係『地下鐵』！
酒店前準備上車。
泊喺附近嘅出租新娘花車。
經過呢度凱旋門，就入到去展覽館喇。
喺館前嘅廣場，有對小朋友話想同我地影相，我地當然落意一齊合照喇。
展館內不準拍照，但係可以比100盧比就得，我就最不值呢Ｄ所為，我情原唔影，所以館內情景無可奉告。
有名嘅十五金人噴泉又叫「民族少女噴泉」，但係果日唔見有水噴出，但係影吓倒影都唔錯喎！
嗯！有隻水鴨喺度喎，中國遊客話....正呀!!!!
列寧像。
第二次大戰嘅西方盟軍三大統帥，X+Y+Z。
下一個景點係「列寧墓」，座落於紅場中央，以深紅色大理石建成嘅建築物，為記念及尊崇革命英雄~列寧而建，佢嘅遺體安放於水晶棺木內供人瞻仰，可適我地唔能夠進內，只好在外參觀。
行車途中之街景。
途經莫斯科馬戲團嘅演出地點，過幾日我地先會黎睇。
列寧墓附近嘅地標。
到咗列寧墓，我地只有在外圍影吓相。
再行過Ｄ，就係呢次旅遊嘅重點，於1990年被聯合國教科文組織列入為「世界文化遺產」之【克里姆林宮】。係俄國最高行政地方，革命家列寧推翻沙皇後亦曾在此辦公。
俄羅斯地標【聖巴索大教堂】。
難得與好朋友一齊來遊，大家合照一幅留念。
行過少少就係紅場喇，面積約9萬平方公尺，紅場另一意思為美麗的廣場，1917年十月革命成功後亦喺依度舉行慶祝典禮嘅。
剛剛有班殘奧運動員同士兵喺度拍照。
我地就行過前面圍栅邊影張囉！
行完古老野又走番出去迋商場，講到呢個商場，喺莫斯科數一數二架，佢就係樓高三層，天幕設計，全長唔知幾多米，總之成條街咁長嘅『金百貨商場』喇。
商場內名店林立。
呢度幾大尺碼都有(我指服裝呀吓)。
嘩!!喺度晒日光沐........原來係公仔黎嘅。
行到攰就休息坐陣先。
行完商場就去唐人餐館食晝，途中我都唔會放過拍攝嘅机會架。
到咗餐館喇。
睇吓呢餐有勿好野食先!!
睇黎都係食得飽果隻囉!!
食飽午飯，就去列寧山，佢係莫斯科嘅最高點，亦可見到俄羅斯最高學俯~莫斯科大學，登上此山，居高臨下，可俯覽莫斯科全景。
大學前嘅公園。
上番車約廿五分鐘車程，到勝利廣場，參觀第二次世界大戰時嘅情形，館內又係唔比攝影！為有喺外面影Ｄ囉。
我又攪野喇，不過喺呢Ｄ地方唔敢咁盡。
另番轉身影嘅景色又絕言不同喎！
大人嘅一班好朋友，來張大合照。
跟住又係重頭戲，就係【雲石地鐵站】，莫斯科地鐵站內部裝飾早已聞名於世，係全世界最美麗嘅地鐵站，美侖美奐，尤如宮殿一樣，故又有『地下宮殿』嘅美譽。
到咗車站，準備入閘。
落一條好長嘅扶手電梯。
背景係馬赛克砌嘅壁畫。
有車到，我地快Ｄ上車去下一站睇吓喇！
上咗車玩自拍。
俄國娃娃好趣致，忍唔住同佢影咗兩幅相。
又到咗另一個車站喇，唔講咁多，你地慢慢欣賞吓。
睇完咁精彩嘅地鐵站，又乘扶手電梯上番地面喇。
屹立於車站大堂嘅石柱，一樣咁有藝術性。
由車站出番黎，我地感覺剛才好似去咗另一個世界咁樣。
跟住就去食晚飯喇。呢間和平飯店，唔知同上海果間有冇關係嘅呢？
又係食得飽囉！不過我就餐餐要撈湯先食得飽。
食飽飯就返酒店休息，準備明天飛往聖彼得堡喇！
欲知事後如何，請看下回分解「俄羅斯之旅(3)」
