25-3-2010 【 第一天】
前年去完越南嘅北部首府河內，覺得未能夠了解當地風土文化，所以今次去埋佢嘅南部大城市，(胡志明市『西貢』、頭顿市、美拖市)三個比較先進嘅城市。
當日乘搭越南航空於14:50起飛，經過兩個多小時就到達越南胡志明市，因當地時間比香港慢一個鐘，所以到達時係16:00。
香港國際机場準備登机
到達後乘旅遊巴住景點，途中街道見有很多電單車，多到嚇親你。
第一個景點係(聖母大教堂)，當地人有70％係信奉天主教，所以教堂特別莊嚴美觀。
同老友一齊去旅行特別開心嘅！影番幅大合照先。
入到去見有好多人唸經，所以我地都靜雞雞，影相都唔會用閃光。
跟住去郵政大樓參觀，仲有佢嘅郵務歷史。
見有排都未到食晚飯時間，所以先去食越南出名嘅蔗蝦餐同埋春卷餐喇。
係喺類似美食廣場嘅餐廳道食。
用米粉皮包住用竹蔗穿住尼燒過嘅蝦膠，再加Ｄ米粉、香葉、生菜、醬汁一齊食，味道都唔錯。
食過小食就往岸邊落海上夜總會，夜遊西貢河，船上有表演睇同食埋晚飯。
Ｄ餸菜仲差過大都會，所以冇乜點食同埋冇影相。
靚女喺度表演火焰呼拉圈。
裹面太嘈同好焗，走去船邊靜吓抖吓氣先。
第一日嘅行程就結速喇，番到酒店都成十點幾，攞埋房間就速速番房休息，準備第二天嘅行程喇。
