12-5-2009 (第一日)
星期二出發往北非【埃及】。首先由香港乘星航往【新加坡】，再飛【度拜】，先至轉飛到目的地【埃及】嘅首都「開羅」。新加坡机場二號大樓等轉机飛度拜。
13-5-2009 (第二曰)
一到步，就殺入金字塔區及獅身人面像。
建築宏偉嘅金字塔。
我唔夠瞓，冇哂笑容。
騎吓駱駝，感受吓埃及文化。
聞名不如見面嘅「獅身人面像」。
五星級餐廳進午餐。
埃及博物館。
跟住夜晚乘通宵五星級列車往亞斯旺。
火車站月台小賣部，果陣時我地好攰好眼瞓！
我地眼瞓到烏吓烏吓！
攞咗頭等包箱，安頓好就食杯麵時侯喇，Ｄ野唔啱食要食杯麵。
煩人嘅待應喺後面博醒，我地比哂錢導遊分比佢地架啦，但佢地仲係手指郁郁，想攞貼士。
14-5-2009(第三日)
瞓咗一覺，晨早起身，喺火車上食嘅早餐。
車箱中間走廊。
車箱中間走廊，中間果位係好得意嘅團友「心女」，右邊果位係陳太。
火車到達亞斯旺喇。
到達亞斯旺站喇，途中好大陣象，有軍警護送旅客。
經過一晚嘅充足睡覺，而家精神哂。
亞斯旺市內觀光，之後乘五星級遊輪往高安 堡。
乘車途中，望出窗外，呢度就係紅海喇。
紅海岸邊。
「蘇、埃」友好記念碑。
呢條石柱係未完成嘅方尖碑。
乘五星級遊輪往高安堡！上船喇，向尼羅河進發。
上咗遊輪，攞咗房間，跟住準備乘古帆船遊尼羅河。
乘古帆船遊尼羅河。
遊古老帆船河。
兩岸嘅風景都唔吸引嘅！
遊古老帆船河大家好開心。
上咗岸就去行街街喇。呢度係香料檔！
街頭手工藝(沙畫)。
賣香料嘅商店。
行到攰，坐低食吓野，先黎一隻燒雞。
鮮炸竹蔗汁，真材實料，勁好味！
有個女團友喺度學人抽大煙，有Ｄ似吹笛。
15-5-2009(第四日)
由高安堡往【艾芙】同埋【樂蜀】，坐馬車去參觀神廟聖殿。
阿布辛貝神殿。
阿布辛貝(女王)神殿。
女仕小休一會 。
點睇架，好似要打橫個喎！打直咗添~~
我地冇去到玩四驅車，所以中午上番船！喺遊輪上休息。
尼羅河上之風動帆船 。
到咗下午茶時間，見咁得閒，享受吓遊輪上嘅泳池先！
晚餐時間又到喇，遊輪上進晚餐。
欲知事後如何請看下集！
