第五日 回港篇 (16-9-2009) 喺韓國最後一天
今日輕輕鬆鬆，全程一到咗指定購物場(化妝
品店、綠寶石店、雜貨店)，我地幾個人就閃
出黎，自己逛街買野，到咗午飯時間，因為
我地冇跟佢去食一萬Won嘅所謂好嘢，(之後
Ｄ團友食完番黎講，只係幾塊雪藏雞肉，自
己煎煎吓黎食，把鬼)，所以自由咁到當地食
店食午餐喇，仲好鬼正添。
喺去机場途中果兩隻野就開始收小費喇，講
咗大篇費話，無非想多收Ｄ，仲有一個我好
少提到嘅工作人員，就係跟住同我地大班團
友影相嘅韓國仔，所有上落車Ｄ行理都係佢
搬，好勤力，值得一讚，所以團友都好樂意
同佢買相，我都用二萬四千Won同佢買左六
張相，影得都幾靚。
開車冇幾奈，特然間，車尾有個團友話唔見咗個錢包，裹面仲有廿幾萬Won添，果隻大話精導遊就咋聽唔到，繼續講佢嘅費話，而果隻木咀領隊仲衰，直情唔敢浦頭。有個團友低唔住頸，出去同佢地講：『你地有冇攪錯呀，有客唔見咗個銀包，你地兩個可以若無其事，點解唔彩取應有嘅行動呀』。果兩隻野先依依哦哦咁又耍出佢大話精嘅本領：『好麻煩喎！要全部人去差館，會阻住你地番香港嘅行程架』，我心諗，你都唔能夠咋唔知架，此時有部份團友都不值佢地嘅所為。而唔見錢果位團友就好唔好意思咁話：『算啦！唔見錢啫，Ｄ証件喺度，唔好攪咁多野喇』，咁就繼續行程喇。
當日嘅早餐。
參觀戰爭紀念館廣場。
中午，好彩我地冇跟大話精去食佢一萬Won
所謂Ｄ好野，自己自費喺餐廳食呢幾日最正
嘅餐。
吉列豬扒套餐＋麵豉湯＋泡菜＋白飯＄六仟
Won。
煎三文魚套餐＋麵豉湯＋四款泡菜＋白飯
＄伍仟伍佰Won。
海鮮炒烏東套餐＋麵豉湯＋兩個泡菜＄伍仟
伍佰Won合共＄17000Won好食，低食，又
食得開心。
呢間餐廳，係近住梨花女子大學附近。
就係呢間餐廳度食午餐喇。
到咗仁川國際机場，準備番香港。
除咗人蔘喺專賣廳買，其餘我地自己喺超市掃貨，又平，品種又多。泡菜就用發泡膠盒加乾冰寄倉回港。
呢Ｄ全部都係三公主最鐘意嘅食物黎架！
後記：有部份團友，番港後往Ｘ晨旅行社，
投訴大話精導遊同木咀領隊，我本人就覺得
冇乜用，最好嘅投訴就係以後唔再幫襯呢間
旅行社，對不對。
感謝 白果魚神 提供以上資料
白果魚神的網誌: http://a991952.blogspot.hk/
