21-3-2009 心情平復番先寫網誌
噚晚炸完竿冇哂引
，今日就同大人同埋班朋友乘10:30船過大海，過到去都11:40，再由氹仔乘車出市區，去果間朋友推介嘅李康記海鮮酒家，食物麻麻，價錢一般但要收茶介，酸薑橋頭，花生連加一，條數都好犀利，直情當我地係水魚，呢間野下次唔使指意幫襯。
食完飯有Ｄ朋友去葡京玩下，我同大人和幾個朋友去大三巴、博物館、炮台等名勝行下，到五點會合其他人，再乘車回氹仔食豬扒包，點之間店係有時間限制嘅，因過咗鍾收咗檔，冇得食，跟住就去威尼斯玩老虎机，輸咗幾十蚊，再上樓上行吓，跟住去食晚飯。
呢間飯店又係朋友推介，叫做同樂紅記飯店，Ｄ食物算OK啦！價錢公道，呢餐冇做水魚，慢慢食完個晚餐就乘10：30分船番港，一日旅程完畢，番到屋企鬼咁攰米冇寫網誌，所以依家先至補寫番囉！
我地乘座嘅飛翔船。
大家上船囉。
到咗澳門乘車由【氹仔】出市區。
呢間係【新葡京】。
【舊葡京】好有懷舊氣息。
澳門市政廳。
買番Ｄ手信先。
試食都食到飽喇！
澳門地標【大三巴牌坊】。
與大人留影，到此一遊。
係邊度呢？已經寫咗係相度。
以前澳門主要交通公具，當的士用嘅人力三輪單車。
就係呢間謀人寺喇。
我廿幾年前係呢度影過相架啦。
呢度係炮台山。
氹仔著名豬扒包店，我地去到己經收咗工，冇得食。
呢間飯店靠得住。
好嘅飯店當然客似雲來。
澳門嘅街道名好怪喎！
氹仔地標。
感謝 白果魚神 提供以上資料
白果魚神的網誌: http://a991952.blogspot.hk/
