第三日：14-9-2009
早上遊覽龍頭岩，跟住就由濟州飛番金浦，去夢幻樂園玩，點知導遊大話精又遊說團友，改去樂天世界，我當然反對喇，因我上次都去過，但其他團友又冇乜反應， 我只好跟大隊喇。
今日嘅晚餐係自費嘅，導遊大話精又遊說話帶我地去食好嘢，每位收一萬伍仟Won，如果唔跟佢去果Ｄ人，可以喺樂天世畀裹面食飯，架車會番黎接番Ｄ人咁話。我同大人梗係唔想跟佢去喇，領教過飽魚粥，同埋食左咁多餐垃圾，梗係想食番Ｄ好嘢喇。點知居然我地個木咀領隊開聲同我地講(頭兩日都未見過佢出聲講野，連一句早晨都冇)，一陣食完飯唔番黎架喇，畢而你地跟埋車去到食飯果度，放低你地自己去揾食喇，食完夠鐘就番黎我地果度會合吖，不過我驚你地唔識路喎，畢而同埋我地一齊食喇 好唔好！我比佢煩左一輪，唉...算喇！睇吓佢有乜好嘢比我地食先至得。
喺樂天世界玩完，跟住去食大話精同木咀所講嘅好嘢晚餐喇。去到餐廳，各自就位，侍應捧上嘅係一盤湯，裹面有菜、薯仔 、仲有Ｄ煲過湯嘅豬骨添，我心諗，又賴嘢喇，冇計啦，為有撈湯食左兩碗飯，食咗兩舊煲到冇曬味嘅骨頭，就行左出門口等上車番酒店。
一早起身，大人就要同喺酒店裹面嘅得意啤啤熊影相。
行去酒店後面，原來係海邊，仲好靚添。
又有人釣魚喎！痕屎我喇。
咁靚嘅太平洋，大人都話要影相留念。
喺濟州住咗兩晚嘅酒店。
呢個就係龍頭岩喇。
比我捉到條美人魚。
火山石嘅彫刻公仔(生仔公)。
中午果餐團餐，呢度喺四個人嘅餸菜架喇，真攞命。
比導遊蘇菲大話精賣豬仔賣咗去樂天世界。
導遊蘇菲大話精所講嘅好嘢~~自費晚餐＄15000Won 簡直係垃圾中嘅垃圾，隻八爪魚咬都咬唔開，冇哂味煲過湯嘅豬骨，剩得Ｄ薯仔食得吓。
