前言：南韓首爾，以前叫漢城，我十五年前去過，本來唔會再去，今次因為加濟州島，同時韓劇(大話妹)效應，所以大人話想去玩吓囉。
12-9-2009 行程第一日
於凌晨00:30乘韓亞航空，經三個多小時航程，因果度係快我地一個鐘，所以到達南韓首爾仁川机場係04:50，轉机去濟州係16:00机，所以有成十個鐘停留，經我地嘅導遊蘇菲(註:大話精)遊說，佢話因濟州現時天氣好差，又大風又大雨，所以取消龍頭岩溫泉，改去首爾有名高級嘅SILOAM溫泉(其實係桑拿浴室)，因為各人成晚冇瞓，都十分疲倦，所以就信以為真，咁就比佢呃咗入去。
呢道就係代替咗龍頭岩温泉嘅桑拿浴室喇![]()
！
晏畫果餐，食人參煲雞加拉麵，我好肚餓，所以加咗三個拉麵都連渣都食哂![]()
！
下午五點幾，卒之由首爾金浦机場，到咗濟州机場。
第一個景點係(神奇之路)，睇落條路係斜上嘅，但架車屎咗火都會繼續上而唔會流後嘅，我諗都係視覺上嘅問題黎！
韓式小食![]()
。
食晚飯嘅餐廳係喺海傍，見有時間，我就即刻出去逛吓，仲見有隻魷魚艇泊喺度。
見咁多人喺度釣魚，你地睇我當時嘅心情係點樣！
手都痕埋，直頭想釣埋一份。
為有叫大人同我影幅相止吓咳喇！
呢個大叔瞓著咗！
呢度都幾大風大湧架。
睇完人釣魚，就入番去果間叫珍寶嘅餐廳，今餐係食石煱飯，冇乜料，求其食飽就算喇！
修尾要加煱黑豕肉麵先至夠飽。(四人份量)
我唔係好中意食泡菜，不過Ｄ咸魚仔勁好食，紫菜同辣豆付干都唔錯。
食飽就去行街街，呢度係去地下商場嘅樓梯。
足足三十幾個鍾冇瞓過，個個都鬼使禁眼瞓，跟住番酒店休息囉。
