Finished ♥ Pre-Wedding@Macau

呢輯相約左成年先成行, 要就攝影師, 終於約到15號(六)去影

我預先搵澳門既朋友幫我搵定D平既船飛往返澳門, 不過要去到碼頭換飛

果日朝我仲淡淡定9點到信德碼頭, 諗住換9:30am船飛 (我地一行7個人) 點知佢話最快要11:30am!!!!!

OH MY GOD!  如果搭11:30am船既話就會延遲哂所有行程, 唯有即刻買黃牛 

但入到閘最快都要搭10:00am船, 11:00am過到澳門, 即刻坐VAN去第一站(黑沙公園)

呢個景點都好多人揀, 因為有條橋, 附近仲有個迷宮, 同拱門可以影   ***借用KTC相片一用***

 

 

第二站係路經既"恐龍蛋" (真實既名唔知叫乜 )    ***借用KTC相片一用***

 

 

第三站係去主教山 (上山前係附近茶餐廳食埋午膳先) 呢度都唔洗介紹    ***借用KTC相片一用***

本來想係附近影多個景可以影到對面既觀光塔, 可惜果日好大霧影唔到 

 

 

第四站就去左科學館, 因為有棵心心樹!  去到即刻換妝換晚裝影

本來仲諗住去埋龍環蒲韻, 不過睇時間應該去唔到了, 去到都差不多天黑, 天黑就唔靚了, 唯有係科學館影多陣等夜景

 

 

跟住第5站去威尼斯影夜景    ***借用KTC相片一用***

影完就要即走, 搭酒店Shuttle, 原先卜左10:00pm船, 但去到碼頭都差不多10點, 唯有搭10:30pm船

返到香港11:30pm, 再搭埋地鐵回家, 買埋麥當當, 差不多1:00am先返到屋企

 

總結 ********

朝早5am出門口去左表姐屋企化妝, 好彩佢住附近, 澳門回程返到屋企都1am, 真係好辛苦, 第二朝仲要返7半

大家唔好貪心影咁多地方, 大約4個景點就夠, 主要原因係唔夠時間, 有D景夜晚唔靚, 除非你可以住多晚影多日

希望相片快些到手, 再同大家分享

由於未有相係手但又想快D同大家分享影過既地方, 所以借用KTC既相黎POST, 矇返一對新人面孔

 

影呢輯PW之前都有整靚靚指甲, 雖然睇唔到, 但都有個藉口扮下靚靚嘛

 

 

朋友知我想要個布花球, 就送左個比我, 真係好靚呀! VERY LIKE!!! 結婚果日實會用!!!!!!

 

另外自己DIY左影相PROPS同頭飾去用, 下次再分享

 

今次幫手影相既係男友親戚, 本來話free, 不過我男友都比左封厚利是佢

佢帶左個助手幫我地打燈, 比左$800

幫手化妝既係我表姐, 唔洗錢, 遲D請佢食BUFFET, 表E生女都有去(5歲半)佢係我地花女仲一齊影

出面租左1婚紗1晚裝1男禮約$3000

另外當日租車慳返好多時間, 由朝早11點到夜晚8點, 都係收左我地$1300 (不過係舊款貨VAN坐得都OK啦)

話就今次係FREE PRE-WEDDING, 但係前前後後都洗左幾千蚊喇, 不過都覺得值既!

希望係最後一次PW啦! 嘻嘻