話咁快又到12月
即係聖誕節就黎到啦
各大商場都開始有自己既聖誕佈置喇
我以往好少專登去睇呢d野既
因為我實在太怕去d人多既地方喇
不過今年...我好想去沙田新城市廣場望吓
![]()
到底有咩咁吸引?
咪就係佢地既Starlight Romance 光是浪漫 聖誕燈飾囉
仿效15世紀佛羅倫斯的文藝復興古典建築風格
用咗好多粉紅同紫色LED燈既聖誕燈飾呀
好似好靚咁嘛~~
所以早兩個星期前我已經去睇咗了
![]()
說實在的,靚就真係好靚既
佢果d佛羅倫斯建築風格
搞到我覺得自己去咗歐洲咁
如果要影相喇喎......
只可以淨影燈飾囉
影人?唔係唔得......
不過一黎太多人了,要避開冇人係冇可能既事
二黎係個咁多LED燈既環境下影人
Sorry,我唔係攝影達人
拎住個mobile黎影我真係影唔到人光燈又光
我係講真既
我地當然有不停地自拍啦
但影完出黎真係唔靚架喎
如果要影到好似佢做promotion果張poster咁靚
應該要set晒腳架打晒大光燈先掂
![]()
其實我唔明加,佢中間呢個位係好靚好靚的
仲喺左右兩邊各整咗隻船仔俾市民影相
係....係好多人排隊去影 (包括我在內)
但既然你set得做影相點
咁唔爭在預備埋支大光燈俾我地啦
大部份人都係拎住電話同傻瓜機影相
黑鬼忟忟影到人又燈又爆光,影到燈咩人就黑面......
仲有呀,佢有staff企定定喺隊頭架
但真係得個企字囉
前面既人影完相你自己埋位啦
佢係唔會理你既
即係你霸住隻船影15分鐘佢都唔會趕你走
後面既人慢慢等啦
同埋唔好指望佢會幫你影合照
佢話佢地唔做呢d架喎
要影搵其他人幫手啦
佢係一個人肉紙牌,淨係企喺度架咋......
(我唔知之後情況有冇改善,但我去當日係咁囉)
![]()
anyway....影唔到人啫
齋影燈既話絕對係冇問題既
影完出黎仲幾靚添架
(可惜人太多了,齋影燈都一樣見到好多人)
有興趣既朋友又唔怕人多既就去望吓啦
喺沙田新城市廣場7樓既空中花園喔
感謝 雪雪 提供以上資料
雪雪的網誌: http://kitchenofsnow.blogspot.hk/
