北京凍到震之旅 Day3b (王府井大街)

由 AABB遊世界於 2010-01-19 00:00:00 發表 | 累積瀏覽 502

分類：

Day3　(2009.12.26)

行程: 天安門->故宮->王府井大街->花家怡園->鳥巢+水立方->煙袋斜街->什剎海

到達王府井大街，第一印象就是很似上海的南京路，都係咁多商場，夜晚一樣五光十色。

7up聖誕樹

超市賓館?!?

"李寧"品牌在國內好紅呢~ 句slogan好勁：「換球拍, 就是為了更利害」

依度o既街道好得意，兩旁周不時出現依d屋仔
做咩o既呢？其實係賣飲品架，俾人歇下o既地方。

好老土的名字

王府井有好多北京百年歷史老店，這些文化遺產仍有它的保存價值。

手工布鞋

中國照相館，是賣攝影器材的

因為未食lunch，所以到達王府井第一件事就係醫肚！

遠看到狗不理包子，入去坐低左架哪，點知發現只有套餐，

今晚食花家怡園bor，唔可以食咁飽，所以櫈都未坐暖就撇！

對面有間全聚德，更加唔洗諗啦。

A先生講笑話:「不如食KFC囉」
B小姐:「唔制=.=」

點解我每次想食野o既時候都會見到佢架......=.=

就係依個時候...突然俾我發現到d好野:
「望下果邊，王府井小吃街呀！不如就去果度掃街啦」

入到去，看似好多野食，但係其實d野唔係好o岩食咁！

香港瀨尿牛丸？周星馳真係勁！將依個「發明」發揚光大，無論去到台灣定中國都見到佢o既蹤影

本來我想試依條間d食店，不過A先生話冇人都唔方好食

見到燒粟米同烚粟米，我地一致認為烚粟米會好食d，所以就叫左一條。

咬左一啖，A先生變晒樣：「我唔想將依pat野吞落肚呀」

有冇咁誇張呀？我又咬一啖先

嘩．．．咩o黎架？我覺得自己好似食緊塑膠咁！

d粟米冇甜味，又冇汁，仲好似未煮熟咁o既樣，好硬！

拿拿聲lur番出o黎，順手掉左落垃圾桶。

我知我咁做係好折墮，但係真係好難食。

接著，我們再覓食。

俾我地搵到d好野！我地一定要推介俾大家～

就係「蒙古串燒」了

A先生先點了一串牛肉，好好味呀，同頭先個粟米係兩個世界的。

咁大串都只係￥2，真係好抵，再encore多一串！

食左兩串都係￥4，都仲平過頭先條粟米(好大怨氣喎)

食完野，口渴tim，我就買左樽北京人好鍾意飲o既酸奶。

可能因為冬天o既關係，酸奶都被翻熱了。

「酸奶」這個名字好像跟「好味」二字完全扯不上關係，我抱著戰戰兢兢o既心情啜了一啖

好熱，試唔真，再飲多啖先

味道有d似益力多，唔難飲喎

不過我覺得凍飲可能會好飲d，但係A先生就鍾意熱飲。

除左d正常o既食物之外，依度仲有d唔正常o既食物．．．．．．

野人骨頭，真係有人買o黎食架

下面o既"食物"，真係唔係人人有膽量試！

黑蠍子

海星

跟住我地仲見到遊客區一定有o既紀念品攤檔

兵馬桶

飲飽食醉，就去買手信。

其實返大陸真係冇咩好買，不過此行奉命買手信俾舅父，因為要多謝佢送酒店住宿俾我，仲有班同事，好唔好食點都要買少少o既。

大街有間王府井食品商場，好似上海南京路果間第一食品商店咁，諗住實冇死啦。不過聽日我遇到一間更好的手信店，這間「王府井」立即被比下去。
建議大家如果會去前門大街o既，就去到前門大街先買手信。詳情請密切留意Day4遊記。

入面格局真係同上海第一食品商店好似，都係俾個袋你，自己揀，然後拎去磅。

不過因為冇得試，買手信就好似買大細咁，都係搏下。

買呀買呀，不知不覺買左唔少，仲買左幾隻烤鴨。

烤鴨￥45 半隻

北京好流行o既冰糖葫蘆

今晚行程有好多，鳥巢啦，什剎海啦，為免又要好似尋日咁等位耽誤行程，

我今日醒哪，我提議提早去花家怡園晚飯，一來可以避開peak hour，二來時間好就d。原本book左7點，打去問5點半去得唔得，ok喎，好野。

不過我地又遇到難題，就係「打唔到的」哪！
有部北京版tuktuk兜客，開價￥30，其實我覺得太貴，由王府井去鬼街明明好近，不過費事再搵，是旦啦。