今日office 又有大食會，因為要歡送一位做左好耐又幾好0既主任，當中唔知邊個講開芒果樹上有百幾個芒果，我先知原來呢度有芒果樹架，原來好多同事都唔知有，跟住就鴨仔團落去睇喇。
原來真係有芒果樹，仲勁多芒果呀，跟住同事話好似少左好多，懷疑有人偷，所以就話不如摘哂佢地落黎分左佢。嘩，我第一次摘芒果咋，好緊張！！
樹上面真係超多芒果呢！
我地摘左好多芒果呢！
呢度仲有木瓜樹呢！
我著裙就梗係只係摘d伸手可及0既地方啦！哈哈！
有個同事超勁呀，成枝斬左落黎，我當然唔放過呢個機會影相啦！
呢度只係我地三分一0既收穫咋，已經多到要放兩張長檯喇！！
呢個細細粒，仲有少少紅色，好可愛呢！！
真係無諗過辦公時間竟然有得摘芒果，雖然流到成身汗，同埋望多過摘，但過程真係超興奮，最終我仲分到成七個芒果拎返屋企呢！勁開心呀！好期待佢地熟可以食果刻呀！！希望會甜啦！
