華東日全蝕之旅 Day3 (紫砂茶具專門店)

Day3 (2009-7-21)


今日行程：無鍚 [錫惠公園﹑寄暢園﹑太湖風景區(珍珠館)﹑紫砂茶具專門店]--蘇州 [寒山寺]


食完飯, 去左紫砂茶具專門店, 因為這是國家的單位, 所以謝絕拍攝。

不過看到蔣蓉大師同顧大師的精心設計, 實在精彩。手工非常精緻, 除了是一個茶壺之外, 絕對是一件藝術品。可惜冇得影相...不能夠同大家分享。我嘗試用我o既言語解釋俾大家聽~



真正o既紫砂茶壺, 會吸收茶裡的精華, 越用得耐就會越有茶味。一個用左好耐o既紫砂茶壺, 就算用來裝滾水, 都會有茶味。通常建議一個茶壺只沖一種茶, 唔會今日沖水仙, 聽日沖龍井, 後日沖香片。基本上你餵佢食咩, 佢就變咩架哪。如果用來沖西湖龍井, 應該會好有價值。除左茶之外, 仲可以用來沖咖啡, 咁樣你飲咩都有咖啡味哪, 哈!

紫砂茶壺, 拷落會有哼哼聲, 好似金屬的聲音。因為紫砂是屬於礦石o既一種, 所以非常堅硬, 打唔爛的。現場找了一位身材肥大的男團友, 站在紫砂茶壺上, 結果茶壺一d破爛都冇@@

咁高o既手藝作品, 賣的是一個大眾化價錢。全場貨品照價6折。
最平果套￥160, 一個茶壺連幾個茶杯, 其實真係好平, 最貴果套千幾蚊都有。但係相比起出面o既價已經平左好多! 以一個真野o既講係好抵買, 不過都係果句...我暫時仲未有咩閒情逸致品茶, 所以買o黎都冇用。如果配合唔到靚o既茶葉, 就用普通的茶壺好了。

(後補)
執筆的途中我嘗試在網上找相片, 皇天不負有心人, 終於俾我找到了。
但我不明白...點解佢可以影相?@@


打入健力士世界紀錄的全世界最大茶壺, 可以用來泡茶的!
計我話...用來沖涼都可以, 哈哈!


蔣蓉大師的徒弟正在向大家展示紫砂陶製工藝

宜興盛產紫砂陶，製作紫砂壺的材料礦石泥分別有紫泥、綠泥和紅泥三種，由紫砂陶製成的紫砂壺享譽中外，有『陶都』之譽。 (帥元紫砂藝苑：http://www.syzisha.com/)


蔣蓉(2008年去世)老太太精心設計收藏級的精品紫砂陶壺代表作：「荷花壺」


蔣蓉(2008年去世)老太太精心設計收藏級的精品紫砂陶壺代表作：「一片清心」。(製作日期:2003年冬)
作品以中文的"心"字為體, 以竹節為把, 以秋蟬為蓋, 蟬俗稱「知了」, 寓意「人心知足, 知足常樂」。其杯似心形, 雙杯雙合, 寓意「愛侶心心相印, 百年好合」。此作品凝聚大師對人生的感悟與美好祝願。

另一中國史上紫砂茶壺的大師, 顧景舟(1915-1996) 原名景洲。別稱：曼希、瘦萍、武陵逸人、荊南山樵。自號壺叟、老萍。宜興紫砂名藝人，光素器巨匠，一代宗師，中國美術家協會，中國工藝美術大師。


顧先生的經典作品 - 「水上飄」, 如果將佢放在水面, 佢會穩定地在水中浮


坊間有好多假的紫砂茶壺, 以陶瓷扮, 或者以其他不知明的材料製作, 以假亂真。壞o既茶壺會飲壞人, 寧願買一個真的瓦茶壺, 都唔好買一個假的紫砂茶壺。

★買茶壺有訣竅
紫砂壺有幾個鑑別方法，由於含砂量達9成，透氣特別好，將壺口對著身邊，可以聽到類似海嘯的聲音，或是拿壺蓋敲擊壺身，聲音清澈響亮似金屬。也因為它是以攝氏1300度的高溫焙燒定型，茶壺質地特別堅硬，能夠承受500斤重量，據說把小茶壺放在地上，一個大男人直接踩上去也不會碎。

記住唔好買錯哪!!!


下一篇
華東日全蝕之旅 Day3 (蘇州：寒山寺)

感謝 AABB遊世界 提供以上資料

AABB遊世界的網誌: http://aabbhappytravel.blogspot.hk/