![]()
行行下, 俾我見到依個古方祖傳「白族胃藥」及「特效鼻炎藥」
因為依幾日感冒變得嚴重, 晚晚鼻塞瞓唔到覺, 又冇藥食, 所以我對依個「特效鼻炎藥」好有興趣! 細問之下, 原來唔係食架, 係「用鼻吸」! 嘩, 咪好似索k咁?
佢即場俾左少少我試, 我又唔知何來的勇氣, 吸就吸啦!
吸完, 冇即時反應, 跟住我就行個圈。然後, 我就發現個鼻慢慢通左! work喎!
於是我就打算買少少, 諗住夜晚臨瞓之前吸, 夜晚瞓得好d~
我問佢幾多錢, 佢話15蚊1克, 咁我咪話買1克囉。
點知佢不左勁多, 磅左成二百幾蚊!!! 痴線架, 我唔要咁多, 我又唔係真係鼻敏感, 我只係感冒! 佢話好多人買過之後都覺得好好, 特登返o黎再買, 又話有d人打電話o黎訂好多寄返去, 對鼻敏感特別有效! 又話我買咁少冇咩用。係依度我地爭持左好耐, 最後買左3克, 45蚊。雖然最後我都只係吸左幾次, 成包粉sai左。
![]()
![]()
不過後來返香港, 見到醫生在電視上講:「無論用鼻吸入任何粉末, 都有可能對肺造成傷害, 令肺功能受損」, 所以在此呼籲大家, 都係唔好學我!
去完廁所, 我地繼續上路。
見到好多漂亮景色!
![]()
梯田, 不過雲南最美的梯田不在此, 而係好出名o既「元陽梯田」
![]()
![]()
![]()
農夫好努力咁插秧中...真係粒粒皆辛苦!
![]()
蒼山
![]()
再過左1~2小時, 終於到達麗江, 一下車看到的景色。
已經點幾鐘, 大家都肚餓了, 所以第一站就係去醫肚!
農家風味餐
![]()
我地被帶到一間古色古香的餐廳食飯。
![]()
![]()
![]()
牆上道出納西族的飲食文化史, 特別著重喜宴部份
![]()
![]()
牆上都是我們看不明的東巴文, 東巴文是現今唯一仍然通用的象形文字。
![]()
開餐前的大合照
![]()
今餐o既食物麻麻地, 雲南農家菜都唔係太o岩我地口味~
![]()
不明所以的蠟燭, 又幾有情調
![]()
食飽想去洗手間, 不過依度依個簡直係「極品」......
臭到距離門口5米都聞到~_~"
臭都算, 仲超級多烏蠅......好唔衛生!
![]()
![]()
沿著小路出返去坐車, 經過一間士多。
![]()
入面有隻金毛BB, 好得意!!!
![]()
不過可能因為佢太細膽, 所以一見人就吠, 仲被我地嚇到瀨尿tim!
![]()
行到出去有部私家車, 入面坐左隻西魔囝囝, 嘩~~~超可愛呀!
((待續......))
![]()
08 台灣11天環島遊
