成為探險家 探險家登入
探險家攻略  >  青島之旅 Day2.4 迎賓館
0

青島之旅 Day2.4 迎賓館

由 AABB遊世界 於 2011-05-06 00:00:00 發表  |  累積瀏覽 317

分類：
Day2.4 (2011-4-9)


行程: 酒店早餐-->信號山公園-->基督教堂-->迎賓館-->奧帆中心心海廣場-->
葡萄酒街-->啤酒博物館-->電視塔-->婚紗街-->登州路-->酒店


迎賓館, 係我最喜歡及最期待的一站!
喜歡佢不規則的歐式建築, 四面都唔同樣!
而且, 佢有著濃厚的歷史文化, 係青島史上一棟有影響力的重要建築物。
國家3A級旅游景點。始建於1903－1907年, 德國侵占青島時膠澳德國總督官邸。




從高處遠眺, 又係另一個外貌!

迎賓館即德國總督官邸舊址，堪稱是青島建築的奇葩。它位於青島信號山南麓，依山面海，氣勢雄偉，是當時德國在華的提督官邸，最初被稱為「提督樓」。因建築

材料大量採用青島優質花崗岩，故又稱「石頭樓」。它是一座典型古堡式建築，是德王威廉時代典型的建築式樣，如今這種建築在歐洲本土也極為罕見。

票價：(旺季)20元; (淡季)13元






開放時間：(旺季)8：30 - 17：30; (淡季)8：30 - 17：00

旺季: 4月1日至10月31日
淡季: 11月1日至次年3月31日







※ 地址：龍山路26號 (信號山的山腰)
※ 交通：公車1、217、220、367路「青醫附院」站下車；6、25、26、202、214、217、232、307、316、501、801路「大學路」站下車






買左兩張飛, 入場lu


依d...唔知又係咩花呢?


我走均3面, 影低迎賓館不同外貌~






正面有一條長長o既樓梯, 兩旁都有花卉佈置,
踏上去o既時候, 我彷彿感受到「貴賓」被招待時的尊貴感覺。


歷史時間, 其實迎賓館又稱提督樓, 係德國佔領時期總督的住所。
因為長時間招待貴賓, 故被稱為迎賓館。
咁多年來, 好多重要人物如 毛澤東﹑西哈努克親王﹑周恩來﹑鄧小平﹑胡志明......等都曾經入住過依度, 都幾巴閉!


有錢人o既大宅, 小至一件家具, 都係咁精緻


睡房




小接待室


依部古董仲保養得咁好, 利害!


大接待室, 就係用來開大會用o既!


我想像緊鄧小平當年在這裡開大會o既情景




迎賓館有兩層, 慢慢睇其實可以hea好耐


底層的另一邊, 有一個房珍藏左好多寶物, 好似博物館咁!
拿拿拿, 圖中左上角果舊野, 其實係......(請看下圖)


成日講o既「蔡斯鏡頭」, 始祖就係度喇!


仲有以前德國人用o既餐具
德國餐具咁出名並唔係浪得虛名架!


睇唔晒迎賓館外睨, 依度有個模型俾你慢慢睇








行行下, 有個溫室種左好多花



睇完下面, 我地去睇上面o既房




上面o既房幾有趣, 有孩童遊戲室﹑學習室﹑管家室﹑婦女室......最令人津津樂道的, 唔係間房佈置成點, 反而係掛係牆上的交字介紹。
















提督用o既廁所, 大得有d唔平均


好明顯係改裝過, 點解個水龍頭同我屋企果個咁似o既?


依個牌, 睇到曾經有幾多偉人入住過。


依度一樣有紀念品店, 要提一提, 個大嬸好好人。佢知我地香港o黎, 特登講慢d就我地, 仲問我佢講得清唔清楚。跟住佢見我睇postcard,

就熱心地介紹迎賓館出產o既國家紀念版, 盛惠15元/張, 一套有3張。我見都幾靚, 於是就買左兩張, 俾我地寄返屋企。


依度好好, 有代寄明信片服務! 個嬸嬸話因為迎賓館係國有的, 至有依個服務。每日郵局都會派人o黎收件, 我地寫完postcard, 貼上郵票, 交俾佢地就得, 好方便!
不過....我到而家仲未收到我張明信片...~_~




影到咁上下...部相機冇乜電, 閃閃下
而家先至中午乍喎...點捱? 我真係失策, 竟然冇帶後備電>_<
本來諗住直踩去啤酒街食飯, 跟住行啤酒博物館, 行程要改改喇!
唯有返酒店叉電再出過o黎啦!


下一篇

青島之旅 Day2.5 心海廣場漁壽司

 


感謝 AABB遊世界 提供以上資料

AABB遊世界的網誌: http://aabbhappytravel.blogspot.hk/

鐘意SeeWide的分享，給我們一個Like吧！
  • 攻略日期：N/A
    攻略地點：N/A
  • 攻略時間：N/A
    是次消費：N/A
共0人比"掂"

最多能輸入300字

AABB遊世界
見習探險員
簡介：鍾情逸樂的A先生，人生路上巧遇貪玩識食的B小姐，一...

累積瀏覽 537926

全部攻略 899

全部回應 28

首頁   探險家攻略   香港好去處   探險家排行榜   新手指南   聯絡我們

©2012-2025 SeeWide.com 「All Rights Reserved 版權所有，不得轉載」

網站上的資訊及圖片，若閣下為部份資訊的版權擁有者，如有觸犯你的知識版權，請來信info@seewide.com，我們接到投訴後即時處理

重要聲明：本網站是以即時上載留言等方式運作，對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。

SeeWide 香港特搜 致力打造 香港好去處、活動 指南，聚集全港探險家，一同搜羅及分享精彩的 玩樂、消閒、香港好去處 等情報，務求讓大家能看多一點、闊一點！