青島之旅 Day1.5 雲霄路美食街

由 AABB遊世界於 2011-04-25 00:00:00 發表 | 累積瀏覽 578

分類：

Day1.5 (2011-4-8)

行程: 香港機場-->青島機場-->海爾洲際大酒店-->花石樓-->八大關-->公主樓-->雲霄路美食街-->酒店

雲霄路美食街區由閩江路和雲霄路兩條美食街組成，人們常說的雲霄路中苑美食街、閩江路美食街、雲霄路美食街等，都是指這一街區。
想知道每一家餐廳的簡介, 可以看看以下這條link:

雲霄路美食街圖 http://qingdaonet.org/gourmet/yunxiaolu_c.html

見到咁多間, 花多眼亂!
網上簡介又不能盡信, 個個都賣花讚花香架啦~
於是我地就用最傳統o既選擇方法: 「邊間多人d就入邊間」
後來見到依間幾大間, 入面幾多食客, 門面又幾光鮮!
睇過網上簡介都幾好, 就依間啦!

<<海島漁村漁家宴店>>

地址: 雲霄路40號

電話: 85973057

開放時間: 09:30-23:30

主打: 海鲜

網上簡介:
一条街上连开三家分店，“比较有趣”。店面虽然“朴素”，但“干净明亮”。里面“各种怪里怪气的海鲜都有”，都“很新鲜”、“很实在”。菜的量“体现出山东人的豪爽”，价钱也“不贵”——“这样的价格，值得每天都去”。
本店推荐:辣炒蛤蜊、濑尿虾、扇贝、蒜蓉大虾、油焖大虾、元宝虾。

入到去, 侍應會首先安排你坐低, 然後就有張卡拎去隔離點菜!

有得點新鮮海鮮

又或者點現成o既小菜

咁樣點菜其實我倒是第一次! 曾經問過侍應拿菜單, 原來佢地冇依樣野架!
d小菜價錢唔貴, 甚至可以用平o既形容! 不過一場o黎到, 梗係要試下依度出名o既海鮮啦~ 所以我地全部都叫晒海鮮, 冇點小菜。

佢地d DEMO係相片cut好圓形再貼落隻碟度, 見到o既時候我覺得好好笑

點完菜, 就會有張單俾你, 然後就坐係度等食喇!

椒鹽瀨尿蝦 1斤 $49
依個椒鹽瀨尿蝦, 我個人係非常之欣賞!
雖然佢同香港煮法有d唔同, 多左少少甜味同香料味, 不過平時唔好瀨尿蝦o既我食到lam lam脷, A先生已經停晒手o既時候我仲食緊, 最後成碟清晒!

瀨尿蝦有分公毑, 公的肉多肥美, 毑的多膏少肉, d膏好似咸蛋黃咁, 深橙色又硬身d。個人都係鍾意食公多過食毑。

蒜蓉蒸扇貝 1份 $22
依度o既扇貝比起香港o既細隻d, 望落個樣平平無奇, 點知食落......正到爆!!!
個扇貝肉非常之咁鮮甜, 而且一d渣都冇, 嫩滑, 味美。
真係好好食, d粉絲都係一樣, 好好食!

估唔到佢細細粒, 竟然咁好食!

辣炒蛤蜊(即係炒蜆) 1份 $18
3個字, 「平﹑靚﹑正」, 咁o既價錢, 有咁o既質素, 再加埋咁o既份量, 我真係冇野好講! 味道鮮甜辣辣地, 好惹味, 不知不覺間俾我地清晒!

姜汁毛蛤蜊(即係司奄) 1份 $28
個姜汁相對起泰式辣汁, 遜色左d
如果唔落汁就咁食都ok, 仲有d海水味, 咸咸鮮鮮
鍾意食司奄o既人應該會幾鍾意

蔥油中鮑魚 2隻 $78
鮑魚係最貴o既菜, 但係又係最唔好食o既!
食落彈牙, 但係唔夠煙韌, 冇咩鮑魚味!

今餐食左咁多野都只係$203, 真係非常之抵!
順帶一提, 餐館default供應麥茶, 如果飲唔慣的, 可以加錢轉其他茶。
我地因為唔知, 飲到最後才發現。

食飽飽, 8點幾。
本來諗住逛逛家樂福, 不過因為聽日想早d起身出去玩, 所以直接搭的士返酒店。
雲霄路去酒店, 只係搭左9蚊, 勁抵!

返到舒適o既酒店, 一開電視, 見到自己個名
每一次入住5星酒店, 遇到這個情況, 心裡面都會有貼心的感覺
雖然明知那只係電腦系統自動gen出來, 都是開心的

晚上窗外的景色頗漂亮, 又很寧靜

與日間相比, 夜晚靚好多!

下一篇
青島之旅 Day2.1 洲際早餐

感謝 AABB遊世界提供以上資料

AABB遊世界的網誌: http://aabbhappytravel.blogspot.hk/

鐘意SeeWide的分享，給我們一個Like吧！