超抵! 連稅飛北歐

(圖片來自staralliance)

計劃北歐之旅過程, 原本打算redeem Asia Miles 去赫爾辛基, 後來因為太遲book, 所以已經沒有免費機位。當正打算放棄之際, 發現其他航空公司都有平機票, 土耳奇航空就係其中之一。

平時前往北歐, 通常由丹麥哥本哈根或芬蘭赫爾辛基入, 因為暫時只有這兩個地點有直航, 今次土耳奇航空多達71個航點選擇, 連稅都係$5870起, 就算飛去芬蘭赫爾辛基都係$5990, 超超超超平! 因為平時坐芬蘭航空去赫爾辛基, 淨機票都要$5880起, 未連稅喎! 連埋稅就七千幾, 而家慳左成千幾蚊, 可以cover埋當地o既內陸交通喇~~

除左土耳其航空, 卡塔爾航空都係成日有歐洲平飛的, 佢地仲榮獲 2012 Skytrax 世界航空公司獎排行榜 10大, 真係名副其實的平﹑靚﹑正!

小妹在開售第一日買o既, 當發現票價再平左幾百蚊果下真係好開心!! 雖然係要轉機辛苦d, 不過另一個好處係可以免費玩埋土耳奇伊斯坦堡, 仲可以揀open jaw, 赫爾辛基入, 哥本哈根 or 斯德哥爾摩出, 調返轉玩都得, 不走回頭路, 非常方便!

訂票優惠期至2012年9月10日, 出發日期由11月12日至2013年3月17日, cover左聖誕同新年假, 你都一齊追逐極光夢啦!