高雄義大世界希臘情境主題樂園

由 AABB遊世界於 2013-04-14 00:00:00 發表 | 累積瀏覽 507

分類：

Day 4.2 (30 March 2013) 高雄一天遊: 義大世界, 瑞豐夜市, 足藝泡腳會館

行程: 滿味香美食Brunch－義大世界－瑞豐夜市掃街－足藝泡腳會館

住宿: 高雄85大樓『85藍海』租屋主題套房

義大世界

義大世界, 如果只計樂園部份, 其實還細過香港迪迪尼。樂園有47個玩樂設施,當中不少也墈稱「全台之最」, 但其實三份一也是適合小朋友玩的, 只有三個「超級玩意」,而樂園中強調的「希臘悄境主題」聖托里尼山城也是比想像中迷你好多!

前往義大世界, 可乘地鐵到左營站再轉乘接駁客運。單程票價NT$37, 車程約30分鐘, 每隔20分鐘就有一班車。詳情: http://www.edabus.com.tw/

樂園票價NT$890, 我們在三多商圈附近的旅行社預訂了平飛, 只需NT$770, 慳好多錢!
原本以為賺左啦, 點知我地去到已經2點, 仲差一個鐘就可以買「星光票」(下午3點後入場, 票價只需六百幾蚊台幣), 蝕晒喇!
不過冇計啦, 鬼叫我地遲起身咩, haha~

入場後記住拎返份地圖, 同埋演出節目表。雖然樂園細細, 不過都有幾多表演睇, 唔好miss左呀!

刺激No.1 「天旋地轉」

超刺激恐怖的「天旋地轉」, 我地睇到都腳軟! 四位勇士完全唔怕, 玩完之後豎起姆指大讚。
想知有幾恐怖? 睇片啦! http://www.youtube.com/watch?v=SUx_B-GvvFo

聖托里尼山城

義大世界是首個以「希臘情境」作主題的公園, 所以樂園有幾個大型的聖托里尼場境! 真係好像真啊, 影出o黎o既相真係呃到下人架~

火山廣場有街舞表演看

依個係加強版的「海盜船」, 無論高度定速度都令人膽戰心驚!

離開樂園, 每人蓋一個手章, 可憑印章玩摩天輪!

Encore Go Kart車

自從墾丁玩完高卡車, 班男仔一直念念不忘, 當他們知道義大世界也有高卡車玩的時間, 雙眼突然閃閃發光, 立刻鎖定了目標, 在離開前再玩一次! 好不容易才找到高卡車場, 要通過商場再去123廣場才找到。這個車場面積大好多, 賽道彎位亦較多, 車速都快d! 今次我地女仔冇玩, 我同Miki淺嚐過就夠, Joanne就有陰影。可能已經玩過一次, 班男仔開車唔減速, 又不熟悉賽道, 所以很快便出了小意外。玩完高卡車之後, 班男仔滔滔不絕地談論剛才的過程, 不時談到手舞足蹈, 足足談了10分鐘, 我笑說這是「男人的浪漫」。

全台最高摩天輪
據我所知台灣應該唔係好多摩天輪, 高雄有兩個, 一個在凱旋「夢時代」, 另一個在義大世界。這個被稱為「全台最高摩天輪」, 高230公尺, 即大概三十幾層樓咁高, 有40個車廂, 可以同時供318人同時搭乘。每座車廂可容納8人, 轉一圈約為18分鐘, 夜間128種炫麗燈光變化, 令到摩天輪更加靚! 在最高點可遠眺高屏地區美景, 真係想唱返句「天荒地老流連在摩天輪在高處凝望世界流動」。

從摩天輪上望到清楚的高卡賽道, wow! 原來真係勁好多, 唔怪得佢地咁著迷啦~

離開時已經8點幾, 好多人排隊等接駁車去左營, 我地call左的士, 直接搭去瑞豐夜市, 價錢都只係NT$425, 其實同搭shttle+地鐵差唔多, 不過慳返好多時間。約半小時就由義大世界去到瑞豐夜市了。

即將面世全高雄最大夜市 - 金銀島夜市

搭的士期間不停和司機傾計, 佢話遲d凱旋會有個新夜市, 面積超大, 而家已經建築中, 預計今年內完成。暫時官方未公佈開幕日期, 不過如果今年起好, 應該好快就會面世, 熱切期待!!!