全球最貴酒店 - 土耳其 the Mardan Palace

以前全球最貴的酒店是杜拜的 7星級帆船酒店，一晚住宿是$15,000港元。
光是參觀費都需要$1,000/人，可以話巴閉到死！
不過上星期六，有一間比帆船酒店更貴的酒店開幕，是一名俄羅斯億萬富豪興建的。


這家酒店名叫 the Mardan Palace，位置土耳其地中海，整間酒店總共花了122.6億興建，非常驚人！大家估下佢一晚住宿費要幾多？二萬？四萬？六萬？全部都錯！



答案是：１４萬港元一晚！



「１４萬？痴線架！？！」我第一個反應係咁！


到底有咩咁巴閉呢？

原來巴閉在．．．這間酒店用了2,500噸黃金，500,000水晶，23,000平方米大理石建成。私人沙灘用了9,000噸沙埋砌而成。最特別是游泳池，一共有２萬平方米，即係有８個九龍公園標準泳池咁大，而且游泳池在水族館的中心，圍繞著泳池的水族館，一共養了二千四百條魚同鯊魚，你潛落泳池中暢泳時，感覺就像跟牠們游水一樣～


金碧輝煌的酒店大堂，全部都是９９９千足純金


酒店有１１間餐廳，其中一間意大利餐廳，圍繞著水族館，活像一個海底餐廳。全部餐具都是名牌 Hermés，價值£1.35million，認真貴氣。


酒店上空放煙花的情景

(資料來自: 英國每日郵報 http://www.dailymail.co.uk/femail/article-1187588/Hotel-Hubris-Rich-famous-turn-opening-expensive-hotel-Europe.html)


雖然這間酒店很豪華，乜野都用晒最貴，最好的材料來起，餐具又是用名牌，但我覺得．．．她缺少了一份獨特性，好似只係富豪用「錢」做到佢懶有氣派，１４萬一晚，似乎唔係好值。可能佢想做到，住得起ｏ既人，都有一份優越感﹑虛榮感卦。我諗就算我第日有機會發達，我都應該唔會花錢入住依間酒店，有１４萬，我寧願去南極北極，或者去馬爾代夫住最貴果間酒店嘆番十幾晚。

感謝 AABB遊世界 提供以上資料

AABB遊世界的網誌: http://aabbhappytravel.blogspot.hk/