小Ｂ的旅行經驗

其實我和A先生都好鍾意去旅行，在未認識對方之前，我們去過的地方有許多～

第一次搭飛機旅行便是兒童合唱團表演，當時我還就讀小學。那次是台灣８天巡邏表演，去過小人國，九族文化村，阿里山，日月潭，九份，雖然好細個記憶唔深，不過都幾開心架。

第二次搭飛機竟然又係去台灣，那次是聯校領袖生交流團，當時我讀中四。是次４天團，主要去台北﹑西門町﹑忠烈祠﹑故宮博物院﹑九份﹑野柳﹑圓山大飯店，當然還有一兩間中學。那次又有些很有趣的經歷，因為我和同學Ｐ在中正紀念堂掛住影相，遲了到集合地點，發現車子不見了，以為和大隊走失。於是我地竟然叻唔切，預先搭的士到下一站景點忠烈祠等他們，最後當然等唔到，原來佢地冇走到，一直在中正紀念堂等我地。後尾因為忠烈祠果ｄ士兵幫我地打電話返酒店，先聯絡到領隊，相約在食lunch的地方匯合。果次真係失禮，足足俾幾十個同學＋老師黑我地面．．．

18歲，我便膽粗粗和好朋友Ｌ自由行去東京。
兩個女仔，一句日文都唔識，拎住本地圖就去！
真奇怪當時點解媽媽會俾我地去＠＠
我好記得我靠著旅遊書的資訊，plan左５日４夜o既行程。
以下就是我當時plan的行程表～

小Ｌ&小Ｂ之日本五天行程表

第一天    涉谷à新宿
第二天    Hello Kitty Landà原宿à新宿
第三天    迪士尼海洋
第四天    小丸子館à上野à新宿
第五天    去……à離開

	第一天		第二天		第三天		第四天		第五天
7:00am	集合	8:00am	起床	7:00am	起床	7:00am	起床	8:00am	起床
8:30am	到達機場	9:00am	出發(~30mins)	7:20am	食早餐	7:20am	食早餐	8:20am	食早餐
9:20am	起程,上機	9:30am	食早餐	8:00am	出發(~45mins)	8:00am	出發	9:00am	出發到…(未定)
2:25pm	往新宿(~1.5hrs)	10:00am	到達KittyLand	9:00am	到達迪士尼	10:00am	到達小丸子館
4:30pm	到達新宿	4:00pm	離開KittyLand	9:00pm	離開	1:00pm	離開小丸子館
5:00pm	酒店check in	5:00pm	到達原宿(竹下口) 去郵局^^			3:00pm	到達上野(出口6) 買手信^^	2:30pm	回到新宿
5:30pm	出發到涉谷	9:00pm	返新宿			9:00pm	返新宿	2:45pm	收拾行李
10:30pm	回新宿							3:15pm	酒店check out
11:00pm	遊新宿買食物							3:30pm	離開日本(1.5hrs)
交通      迪士尼樂園：JR中央線(快速)新宿站-->JR東京站(轉線)-->JR京葉線-->舞濱站(45mins) 小丸子館：東京新幹線-->靜岡縣-->靜鐵巴士(三保方向)-->萬世町站 行2mins(2hrs) Hello Kitty Land：新宿站-->JR京王線-->多摩中心站(~30mins)								5:55pm	登機
								9:30pm	到達香港

哈哈，從未有旅遊經驗的我，當然會有誤差。結果我們沒有到小丸子館，因為太遠了，火車費又貴。去迪士尼那天，我和小Ｌ都訓過龍．．．所以行程有點更改。不得不提，最有趣的是我們因為掛住影貼紙相，錯過了飛機。一般航空公司都規定要在航班起飛前90分鐘check-in，只怪當時年紀小，以為搭飛機好似搭巴士，只要起飛前趕到就得。結果點？佢點都唔肯俾我地入去，要我地等下一班，即係２４小時後果班機。錢用光了，沒有金錢住酒店，唯有訓機場。那是我咁大個女第一次訓機場o既經驗。亦因為遲了一班機，我們錯過了世界盃的決賽 (賽事在飛機的時間完結了)！自從果次教訓之後．．．我再也不敢「遲到」！

到了2005年，今次同另一個好朋友Ｌ去澳洲探望好友Ｃ，順便旅遊。今次一出發便是14天，有3天逗留悉尼，11天逗留墨爾本，那次旅程真精彩！其實我應該寫低佢的，可是我一篇也沒有寫，只活在記憶之中。有機會我一定會在此分享俾大家睇！

之後到2007年，我分別和兩堆好友去了泰國及峇里島。

到2008年，我和好友Ｍ去了廈門。鼓浪嶼真的很漂亮。

這三次也是跟團的，因為朋友們不喜歡自由行。但是跟團和自由行相比，我還是較喜歡自由行！自由行最好的地方，就是一切都由你話事！你鍾意去邊就去邊，鍾意食乜就食乜，鍾意幾點返酒店就幾點返酒店，隨你臨時取消／更改行程。更重要是，旅途上，會遇到一些計劃以外的事，真正的旅行應該是這樣，無拘無束，自由自在。當然，自由行也會有它的壞處，就是交通不便的煩惱。當你想到偏遠地區，又沒有一部車子，真的會很頭痕！

另外，因為我媽媽是澳門人，自細經常到澳門，飲慣食慣，所以可以話係半個地膽。和朋友去澳門玩，通常都是由我帶路。如果大家有咩關於澳門o既問題，我好樂意為大家解答架。^^

感謝 AABB遊世界 提供以上資料

AABB遊世界的網誌: http://aabbhappytravel.blogspot.hk/