20/5 女婆山至帝堡城
今日原本安排去橫涌石澗玩水，但近個星期都係下雨，天氣不穩下行澗有危險，所以行程都要更改，改到女婆山觀石。今早在富安飲茶，飲完茶一行五人：曾生、曾太、Bobo、喵老闆同呀喵由富安花園步至梅子林路上梅花古道至女婆坳，古道因連日下雨比較濕滑，溪澗水源亦好充沛。走至女婆坳開始右轉上探陽元石、蠔豬石、豆腐石，然後再上至399米高女婆山頂小休。天氣始終太熱不能走得太急，加上女婆山較開揚，冇乜大樹可遮蔭。小休完又繼續走往魚簍石。魚簍石又名雷婆石，到女婆石即時又要大休一番，抖夠就搵路落帝堡城，落山條路吾多似係路，非常陡峭，初頭都有帶引路，入到林中絲帶路都斷左，這時唯有靠自己，曾sir帶頭帶大家闖下去，不久就闖到一蕉林出口，出口為石屎路，舖設得好整齊，吾多似私家路段，但四週都給絲網圍住，還有兩隻惡狗狂吼，幸好有狗有繩綁住，否則後果嚴重。條村原來叫南山村，就在帝堡城上方，得村民引領下，大家沿村下山，一會就到達帝堡城。
