9/5 油塘至調景嶺
今日天色好靚，藍天白雲，氣溫27-32度，濕度76%，較炎熱。行山龍揀選了較短線的輕鬆線油塘至調景嶺。
今早13人出席，有球哥、華國鋒、蔡哥、魏哥、玲姐、安哥、安嫂、烏蠅、烏蠅友光哥、基哥、馬王、馬騮呀哥&馬騮喵妹，9.45am於油塘港鐡站a出口集合，齊人便向油塘中心方向上五桂山。早上陽光充沛，藍天白雲，好耐都冇見過咁靚，天色好靚影景一流，呀喵影到吾願走。雖說今日路線輕鬆，但天氣太熱都頗吃力，山友行下又抖抖，一於慢慢走。中午時份己到達茅湖山，山友在山頂大休，今日除了有生果外，玲姐還帶了鮑魚給大家享用，多謝玲姐。大休完隊友繼續下山到茅湖廢堡參觀，隨後又再去調景嶺警署舊址，警署現已改為佛堂。遊覽完就沿則邊防坡斜下彩明苑，1點多已完成今日行程，山友就在附近商場午膳。
下星期三初擬由川龍走至甲龍，早上於川龍端記飲茶，詳情待出通告作實．
