25/4 松嶺登九龍坑山
天文台預報今個星期天氣都不太穩定，加上天氣開始炎熱，行山龍選擇一條較悠閒山線，由大埔富亨邨登上4百多米高的九龍坑山，再沿舊軍車路下至九龍坑老圍村，然後再過隔離村去球哥家飲啤酒。
早上，大埔有下著微微細雨，幸好出發時雨已停下來，行山可以繼續。9.30am山友於大埔港鐵站集合搭71A巴士到富亨邨，8人出席，有球哥、球哥友dennies、志明哥、華國鋒、安哥、安嫂、馬騮呀哥&馬騮喵妹，9.50AM起步到松嶺村旁小路上山，上山初才發現今朝相機換的電原來都係冇，搞到呀喵要拎球哥部相機來影。初段山路要走小量梯級先進入山路，頭段一點風都冇，真係熱到頭暈暈，好彩天陰，山友只有慢慢行，上到玉秀峰開始陣陣涼風吹送。到玉秀峰後又要走回梯級才上到主峰，呢段山路山下村民稱它為刀刃，未有梯級及扶手時確實係驚險萬分，走過呢段山路就到達九龍坑山主峰發射塔，山友在山頂拍完照又趕路下山，下山期間巧遇另一山隊友人anna。與靚女anna 寒暄過又繼續下山到山下涼亭休息吃點生果，休息完就經大埔公路走軍車路下山，1.10pm已經到達老圍村，山友又懶懶閒吾想行改搭綠巴到球哥家飲啤酒。
下星期三初擬走茅湖山（油塘至馬油塘或靈實醫院）馬騮帶隊，詳情待出通告作實．
有幸因樓下[本團雅娜-秘書]與你相遇在郊野片刻,衝衝一別,未及詳談,真高興知我們都是喜愛大自然同行者, 希望有机會我們两團山友來一次聯合演習啊! 我等通常亦常在週三編排行程, 而週六或日都有.