8/2再遊鹿湖郊遊徑

今早天氣寒冷，氣溫只得11 度，濕度77%，行山龍揀了到鹿湖郊遊徑野餐，幸好天公造美冇落雨。早上9.15am 6人，分別係蔡哥、玲姐、鋒哥、球哥、馬騮呀哥及馬騮喵妹由西貢親民街搭村巴入西灣亭，到達後見有兩隻小黑，問過司機原來兩隻小黑已被遺棄，見兩隻小狗咁可憐，另一隊行友請兩隻小狗食餅，玲姐就請兩小黑食雞脾。 9.35am山友沿樓梯直上鹿湖郊遊徑，郊遊徑走過幾次都頗熟悉，約一小時行程山友已走過天梯到落井底瀑入口，小路都頗濕滑，山友慢慢下行，一會就到達澗口，井底瀑水少得可憐。山友們放下行裝，呀哥擺好爐具先煲茶給大家享用。飲過茶就開始大食會，玲姐買左好多野食俾山友享用，有雞髀、火腿及肉卷，當然吾少得蔡哥買了紅酒。飽餐一頓後大家又要收拾好用具繼續行程，因路太濕滑，今日吾由澗上，大家又要原路番回郊遊徑。上到郊遊徑往前走個多小時就出到鰂魚湖，到達鰂魚湖又剛巧有車，山友們搭94巴士出西貢散隊。下星期三華國鋒話想環湖走一轉，詳情待出通告作實．

https://picasaweb.google.com/107997917347881265663/82#