由於早前joseph photo職員好有責任心咁打電話提我要booking
1月31日就上去北角studio選拍攝用的婚紗
先說不好的地方
衫款超級無敵少!!!
晚裝更選無可選, 分分鐘我d姊妹裙仲好.............orz
而且大部分都幾舊
男裝其實可以話無得揀.....(簡生想哭咯)
只有3色選, 款有日本款(?)同燕尾, 之後就選size, 完
男裝堅流到不得了, 只要合身就好了....遠目))))
而其他部分都好好的,
尤其服務, 無得頂!
由於收工收得晚, 去到都7PM, 人地8PM收工
都仲比我BOOK呢個時段試衫
最後係搞到成9點幾
要人地OT咁耐真係唔好意思!!!!!
而試衫時有兩位職員幫手
有傾有講有笑話, 都幾歡樂~
一開始選了6件婚紗試身
1) 其中一條只有大碼款... 改size會影響cutting, 無試到out
2) 另一款睇相還好, 實物勁娘, 勉為其難試上身5秒換掉, out
3) 大圓紗裙, 都幾好睇, 平口, 腰身幾喜歡, 下擺好多層紗, 輕身, 出外景跑跑跳跳無問題
4) 修身, 少少拖尾, 胸口有摺, 質地幾grand, 有睇過人地prewedding影相sample, 都幾好
5) 乾洗, 未返黎
6) 前短後長款, 其實款都ok, 但真係好殘好殘, 身上的小花點綴好似死晒既麻雀咁>.<
7) 之後同職員講好想有短款既婚紗, 佢就搵多左兩條比我, 有條都係前短後長, 但唔靚, 好快out
8) 再黎多條全短, 個人幾喜歡, show到超長腿 (心心)
9) 由於會去上環影, 問職員有無vintage d既裙, 本身(5)都有vintage感覺但無得試, 佢又搵多兩件比我, 有件平口, 大腿開叉, 但著上身又麻麻....
10) 極度slim身, 好似知客, 無試就out
所以我total係試左7條, 當時confirm左(4) 同(8)
而晚裝我只係選了一條試-墨綠大露背........
簡生又幫我選了一條暗桃紅
而職員都好好, 多選了2件佢覺得靚既比我, 一藍一黑
1) 暗桃紅, 真係幾好睇既, 正常款, 不過呢個色可能big day會著到.....
2) 藍色, 職員叫佢做藍鯨, 因為好大條, wahahaha!! 試完普普通通
3) 黑色, 大露背, 超sexy, 個人好喜歡, 不過怕用黎影夜景效果會唔出
4) 墨綠, 大露背, 都係最喜歡呢條, 但係!!! 佢呢隻色我係希臘女神已經影左....... 無理由一樣色架ma, 好鬼掙扎, 但佢deep得好睇ma
最後, 選了黑色, 因為bigday一定唔可以黑色, 但又好有型wor, 所以prewedding著啦~~!!!!!
我地一路試衫一路都有d問題, 如路線/場地等等既問題
職員都好好, 好細心同我地傾
亦有不錯既建議
最後仲join埋買鮮花花球package (((我明明無諗住買架....)))))))))
可能受到太好的服務
心軟join左.............
以及book左7人van (鬼叫佢唔包車....>.<)
我問佢有無人用氫氣球做props
佢話有, 仲介紹左比我
而我同佢講想帶狗狗黎studio影
佢都ok無問題
其他化妝服務一個仙都唔需要再比錢
亦都包埋男土化妝同髮型
絲花無限量供應
好想快d到3月影相呀
一定要好天~!!!!!!!!!!!!!!!!!!!!!!!!!!
****************************************************************
好興奮咁完成左呢part後
去食晚飯, 簡生開始同我講 (8) 條短裙婚紗好似唔算太好
一黎影相好似好多場景都襯唔到
二黎佢話太短.....
三黎佢話好似peter pan果隻小精靈 (佢成晚應該重覆左over廿次呢個pt)
我問佢咁係咪轉款會好d?
佢又話其實條裙都無咩問題
不過..... 又再重覆一次以上pt..............
到返到屋企仍然討論緊好唔好轉款
我最終問了一個問題
我著呢條短裙係咪唔好睇先?
佢靜左!!!!!!!!!!!!!!!
我就知, 出事喇
到第二日, 打去joseph photo問可否轉款
好彩都仲可以, 就由(8)轉去(3)
(3) 係舊少少, 有d變灰, 但我估過鏡會白返d
希望ok啦~~~~!!!!!!!! haha!!!!!!!!!!!!!!!!!!!!!!!!
感謝 Kan夫人 提供以上資料
Kan夫人的網誌: http://ja20121111.blogspot.hk/
