oh yeah!!
又要開始準備另一項目了!!!!!!
就是過大禮!!!!!!!!!!!!!!!!
由於雙方家長對擇日不太熱衷
只要求睇下通勝, 係好日就無問題
唔使搵師父擇日
方便好多呢~
想過了農曆7月就盡快過大禮
過完可以派帖嘛! 速戰速決, heehee!!
心目中9月16日 - 宜過大禮, 又是星期日
但...... 今日先醒起........
我果時出左差去泰國 =.="
真係過條毛咩.....
日子, 又要再定過..........orz
由於我們不想未來奶奶過於操勞
要盡量休息, 到時精精神神!!
所以過大禮的小細節呀買東西呀還是我們兩個處理
本身想星期六上去一趟筍崗的
主要想買過大禮物品, 囍字貼, 利是封......
最後... 因為天氣太熱留返係屋企淘寶算了。。。。。。。(((汗)))
已有物品: 紅傘, 跪地枕, 敬茶茶具, 小紙杯
準備淘回來的物品:
女家上頭, 上頭睡衣, 對聯, 花藍, 金椰子2對, 龍鳳燭, 禮金盒, 禮金封, 包羅萬有利是封, 百年好合利是封,
拉花, 一堆喜字貼, 啤牌, 禮炮, 四方形利是封, 回禮利是封, 百元利是封
除了淘寶寶外
也有些物品需要在香港買的
就是 ----- 茶葉 跟 海味!!!
說到底, 這些會放入口的東西還是保險一點好~~
茶葉應該會選回英記茶莊
因為爸爸生日送過, 他都蠻滿意, 可以再回購!
反而海味有點難度
因為是過大禮, 想包裝得體一點
可能會選安記 / 東方紅 之類的
但奶奶叫我們去海味街買, 因為安記果d得個包裝入便cheap cheap料
我想說....... 我家人真的是只看包裝啦.........
而且, 買六式好還是八式呢??????
六式:
花菇 - 花開富貴
髮菜 - 發財好事
元貝 - 天賜良緣
蠔豉 - 好事年年
花膠 - 如膠似染
鮑魚 - 包羅萬有
八式就係再加以下:
蝦米 - 嘻哈大笑
海參 - 情比海深
暫時報告完畢~~
ps 1: 已經落了訂金搞一搞姊妹裙, 未confirm實款式, 未度身
ps 2: 已經訂了雙方家長襟花、姊妹手花、兄弟襟花、簽名筆、車頭花、車門花的所需材料, 不日製作!! 加油!!
感謝 Kan夫人 提供以上資料
Kan夫人的網誌: http://ja20121111.blogspot.hk/
