C嘉味 : 西式紅酒燴牛尾

我真係好好好.....鍾意用紅酒燴牛尾D汁來撈飯!!!! 平時只是食半碗飯....

用紅酒燴牛尾D汁來撈飯我可以添多一碗飯!!!

不過我要強調這味是純西式風味, 不用加薑蔥之類.

材料:

牛尾 (3,4件)         一包    

紅蘿蔔(西式果隻)   2支 

乾蔥頭, 切片          2個

蒜頭, 切碎             2粒

紅酒                    1/2支

水                        1杯

茄膏               1/3罐,大約咋

月桂葉                  2片

牛油                   2湯匙

粟粉                    適量

牛尾洗淨抺乾, 撲上薄薄粟粉

用牛油起鑊, 若怕膽固醇高可減量而用其他低膽固醇食油補替

中火煎香牛尾表面, 真係有D金黃色嫁!!!  

煎下佢一來香D亦煎去D腥味, 所以不用下薑去腥.

放入乾蔥頭在煱底爆香, 再放入蒜蓉..... 

隨即加入紅酒(不能慢,蒜蓉易焦), 水, 茄膏及月桂葉, 攪拌後加入紅蘿蔔, 煲約一小時.  

間中番轉牛尾至煮稔.

最後作適當調味. 通常要加D糖, 鹽及胡椒.

我本身吾like食熟蘿蔔!!! 但加入紅蘿蔔的醬汁又相當夾, 份外好食!  所以一定要有!!!!  

另外可加西芹及洋蔥, 但有家人吾鍾意食所以冇加!  (如果加的話, 個程序會有D吾同)

不過吾加都相當吾錯, 開餐lu!