Hello !
上回講到在 "後樂園" 裡面遊玩 , 今晚繼續 .
仲有 : 上回話呢度好多食店 , 估唔到連 "一蘭" 拉麵都有 ,
今晚走果陣黎呢度整番餐幼麵至得 . ^_^ !!
跟手再四圍行多陣 , 感受遊樂場既氣氛 ,
夠晒皮之後 , 就輪到今日既主打 , 早幾篇咪話今日節目唔多既 ,
皆因大部份時間都投放晒呢度 , 乜野咁架勢堂 ?
之唔係佢囉 , 各位觀眾 : Spa La Qua ~ (請打橫睇)
上呢度有專用既電梯架 , 好似好勁咁 .
入口大堂有個魚缸 , 配合柔和既燈光 , 讚呀 !
去到櫃檯前 , 佢講一輪日文 , 當然唔知佢講乜啦 ,
不過唔緊要 , 有份中文既章程 , 呢一著夠晒體貼 , 再讚多次 .
有齊晒呢度既細則 .
呢個 Locker 門 , 靠條手帶黎開 .
有幾排呢類 Locker , 可以容納好多人 , 唔講咁多 , 慢慢浸餐飽既 .
雖然唔知呢度D水係咪真正既溫泉水 , 不過唔駛出郊區就有得浸 ,
認真唔錯呀 , 而呢度各方面都同當日台場 "大江戶" 黎比較 ,
可以話係各走極端 , 果度就玩懷舊Feel , 呢度就先進Feel ,
我就鍾意呢度多D . Yeah !
在果度磨左幾粒鐘 , 去番之前講既 "一蘭" 食拉麵 .
坐第五號檯 . (請打橫睇)
唔好意思 , D相影得比較暗 .
浸夠食夠之後 , 係時候返番 "池袋" , 一出 "後樂園" 就落雨 ,
好彩露天地方唔太多 , 好快就去到地鐵站 .
下班時間 , 都幾多人 .
坐3個站就到 , 唔講唔知 , "池袋" 係總站黎 .
點解冇乜人 , 皆因D人落晒車 , 先有咁吉咋 .
臨別秋波 , 黎多張添 , haha ...
之後馬不停蹄 , 既刻去 TOKYU HANDS 8樓既貓屋 .
把握時間 , 盡情咁參觀 , 貓呀 ~ 我至鍾意 !
好有 "萬寧" 貓既Feel . ^_< !!
黎張高炒 .
唔駛咁驚喎 , 出黎玩丫 . ^^
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/