Hello !
上回講到食完壽司之後 , 參觀個 Outlet Town ,
最後參觀埋呢個 "摩天輪" , 就可以返 "札幌" .
大人600Yen買飛 , 即刻就上車 .
上升中 ...
LED 光管襯托下 , 個 "摩天輪" 充滿 Cyber Feel .
左手邊最上角果度 , 就係 "小樽築港駅" .
升到同個招牌差唔多高 , 仲有得上 .
D光管久唔久轉顏色 , 都幾似 "NORBESA" 果座 .
去到最頂 .
遠處有D燈光 , 不過另一邊係海皮 , 如果係日頭坐既話 ,
則有個無敵大海景 , 但係夜晚黎到 , 就漆黑一片 , 冇癮 .
另一邊都唔見得好繁華 .
直情可以話係冷清 . =_= !!
窗外有D積雪 , 車廂裡豈非好凍 ?
非也 ! 有獨立暖氣嘛 .
話咁快就攪掂落車 .
黎番個最後一擊 , 就要同呢度講 Bye Bye .
去 "小樽築港駅" 搭JR
等候中 ...
返到 "札幌駅" , 記低往機場列車時間表 .
(不過最終都係坐巴士出機場)
2009年3月14日起 , Kitaca 與 Suica 將會合併使用 .
回到酒店地下巴士站 , 影低聽日坐巴士在幾多號閘上車 ,
上次往 "白之戀人館" 1號閘 , 聽日則12號閘 ,
目的地係 : 定山溪 .(請打橫睇)
上到房間第一件事係記錄低今日既行程 .
第二件事係食生果 .
之後係檢算D戰利品 , 帶子乾兩包 , 每包2300Yen .
帶子裙邊兩包 , 每包350Yen .
呢款 "粟米朱古力" , 正呀 . 每包又係350Yen .
呢D入會章程 , "札幌岡薩多" 主場度拎既 .
上仗佢地真係敗於 "FC東京" 腳下 , 聽晚作客 "廣島三箭" ,
形勢未許樂觀呀 . >_< !!
希望來屆 "日乙" 加油 , 打番上黎啦 .
果度仲買簿一本 , 同埋毛巾一條 . (直到依家都唔捨得用)
鐵塔割引券 . "小樽" 案內所拎既 . (備用)
"摩天輪" 票尾 .
溫度 21.8度 , 相對濕度45% .
都係時候敷番塊 Mask .
睇多一陣電視 , 攪埋D手尾就休息 .
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/
