Hello !
上回講到係咁咦逛逛條 "狸小路" ,
之後連隨過隔離 "NORBESA" , 呢間其實係一個商場 ,
不過真正主角就在天台 , 冇錯 ~ 就係天台上面既 "摩天輪" .
在 "日本" 興建在天台上面既 "摩天輪" , 除呢度之外 ,
以我所知 "大阪" 某處都好似有一座 ,
如果各位知道其他地方都有 "天台摩天輪" ,
請通知聲 , 集思廣益嘛 .
言歸正傳 , 上到天台後 , 即刻買飛 , 大人600Yen
當時都冇人幫襯 , 所以唔駛排隊 , 一入去就可以上車 ,
右手邊黃色張咭寫住 "禁煙" , 車廂封密晒 , 若然吸煙既話 , 豈非變毒氣室 ?
唔係嘛 ~ 唔會有人咁戇居掛 ?
好似講過好多次 , 我至鍾意坐 "摩天輪" , 繼上次 "東京" 後樂園度坐過 ,
今次再續前緣 , 過幾日去到 "小樽築港" 果頭 , 仲有一次玩 , Yeah !
一齊欣賞 "札幌市" 風景啦 , 遠處係 "札幌鐵塔" .
D大廈天台鋪滿雪 , 白雪雪咁 , 好獨特呀 .
一點鐘方位圓型果座 , 如果冇估錯 , 應該係 "太子酒店" .
呢度認地方 , 遠比 "東京鐵塔" 果度容易 , 好似左手邊就係 "狸小路" .
繼續上 ~ 差唔多到頂 , 唔知夠唔夠 T38 高呢 ?
咁長既雪道 , 莫非係 "大倉山" 展望台果頭 ?
( Check清楚 , 原來係 "藻岩山")
頭先經過既 TOKYU INN .
左右兩邊分別係 "日航札幌酒店" 與及 "札幌鐵塔" .
Zoom 近D睇 .
仲有佢 .
前面果卡係黃色車廂 , 無端端點解有個黃色車呢 , 唔通浪漫D ?
我得一個人 , 即使坐到上去 , 都浪鬼浪馬咩 . XD
開始下降 .
機械部份 , 勁呀 !
車廂都尚算乾淨整潔 , 讚呀 !
車門係落地玻璃 .
我諗車廂應該有暖氣 , 否則大冷天時咪好凍 .
(令人諗起當年 "昂坪360" 被困事件 ) =_= !!
中間係 "東橫INN" , 淨係呢區都有兩間分店喎 , 認真唔簡單 .
今次日間上黎 , 都已經咁正 .
若然夜晚上黎 , 加埋D燈光 , 豈非靚爆鏡 ? 搵次試試都好喎 .
差唔多著陸 , 旅程完畢 ~ ^_^ ~
落到地面時 , 有班學生想光顧 , 好丫 ~ 唔駛得我一個咁寡 .
真係得一個黃車廂喎 , 仲有人坐緊添 .
好壯觀既呢 .
不過人氣欠奉 , 點解呢 ? 星期日黎過喎 , 又唔係落雨 , Why ?
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/