Hello !
上回講到參觀完房間之後去浸溫泉 ,
返黎之後就休息 , 浸完溫泉零舍舒服 . ^^
進入第七天 , 今日有好多地方去 , 所以晨咁早就起身 ,
A.M.7:25 夠晒早 . 氣溫18度 , 相對濕度百份之42 .
18度 ? 點解咁涼快呢 , 皆因個窗開得到嘛 .
開得到窗既酒店 , 都唔係未住過 , 不過個窗開得咁誇張既房間 ,
真係生平僅見呀 . (大到直情跳樓都得 )
上篇咪話個窗起初好似開唔到咁款 , 原來係有蠱惑 ,
話說尋晚想開窗時 , 照足佢既指示拉直手柄 , 將個 "引" 字果粒的拉起 ,
然後將個窗向外推 , 但係個窗依然紋風不動喎 , 咁點呢 ?
開唔到窗真係好焗架 , 結果發起茅上黎 ,
谷盡十成功力向外推 , 仲要係豁出去話之你死果隻 ,
果然要咁樣先至可以推得郁個窗 , 真係俾佢激死呀 .
要將個 "引" 字粒的拉起 .
好彩研究到點開窗 , 先至可以過一個清涼的晚上 ,
既然開到窗 , 一於影街景 , 由右至左咁掃過去 .
見唔見部車呀 ? (最中間果部咪係囉)
地面濕濕地 , 尋晚落過雨黎咁喎 .
今次全程係得呢Part見到雪 , 其他地方早已經溶晒 .
之前話今日大把節目 , 依家就做第一場 .
浸個晨早溫泉 , 男右女左 , 自己執生啦 .
呢度既溫泉 , 男女浴場經常執位 , 自己執生就係咁解 .
千祈咪見山就拜 . haha ...
襯晨早冇乜人 , 一齊入黎參觀咯 , 平時唔係咁多機會架 .
拿拿淋拎部相機出黎 .
呢度係吹頭梳妝檯 .
設備都算齊全 .
掂未 ? 掂就一齊入去水池區 , 先去右手邊露天果度 .
Wow , 都幾凍喎 .
呢邊有扶手落去 .
行落去 .
先浸為敬 . ^^
好舒服呀 , 浸一陣好喇 , 仲要介紹埋室內個水池 .
鏡頭一轉 , 即刻就過隔離室內水池 .
呢個係冰水池 , 我的最愛 , 隔離係蒸氣房 , 不過未開工 .
又係有扶手落去 .
呢邊成L型直角 , 夠晒闊落 .
一直灣到入黎 .
試試個冰水池先 , 好凍呀 ~ 想凍死人麼 , 不過唔夠凍又冇咁過癮 .
OK , 介紹就到此為止 , 打後時間自己慢慢浸 ,
當日我浸到走果陣都未有人黎 , 獨霸整個溫泉既感覺 , 相當唔錯 .
可惜仲有節目 , 否則浸足一日都唔願走 .
下一個節目當然係 : 食早餐啦 .
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/
