Hello !
講完駕駛心路歷程 , 呢篇去番行程 ,
上回講到到達 "洞爺湖" 溫泉區果頭 , 由於時間唔早 ,
直接往酒店 Check in , 就係呢一間 : 洞爺湖山水和風酒店 .
停部車在出面 , 唔見有位泊 , 於是求其擺低 ,
問職員點先 ? 話入去攪掂Check in手續再落黎泊好部車都得 ,
咁就拎齊野入去先啦 , 上房安置好行李再落黎泊車 .
櫃檯及大堂 .
今晚住 406號房 , 有DD湖景 . (只係DD咋)
鎖匙一條 .
安頓好行李之後落番去泊車 , 攪掂再上番房 ,
見唔見部車嚮邊度呢 ?
之唔係呢度 , 中間果部呀 . ^^
休息一陣 , 過冇耐就食晚飯 , 呢間酒店比較特別 ,
晚餐及早餐都係在間房裡面食 , 仲好啦 ~ 唔會有人騷擾 .
即刻介紹個晚餐 , 由於呢個係平Plan , 所以菜式只係一般 .
首先係雜錦刺身 .
跟住係水煮豬肉 , 白色紙果兜水 , 就係要黎淥熟D豬肉 .
其他果既都係D大路野 , 好似漬物 , 柴皮魚咁啦 .
依家輪到介紹間房 , 一入門 ~ 右手邊係洗手間 .
順便講埋 , 食完飯冇幾耐 , 佢就上黎鋪床 .
而今次全程所訂既溫泉酒店 , 每一間都可以開到窗 . (唔係好焗架)
左手邊係電視機 , 好細部咋 .
鋪好張 "榻榻米" , 空間依然十足 .
都算唔錯啦 .
而且仲有浴缸添 , 不過溫泉果度包辦晒 ,
所以間房有冇浴缸 , 已經變得唔重要 .
Wow ~ 有個夾萬仔 , 收埋D錢先 , 認真體貼 . ^_^ !!
擺設充滿日式Feel , 我鍾意 !
晚上有煙花表演 , 呢個位睇到小小 .
唔錯架 , 好靚呀 .
參觀埋條車匙 .
禁煙車 .
好 ~ 大功告成 , 去浸溫泉咯 , 浸完返黎休息 .
Bye Bye !
第二日完 .
感謝 Man Wai 提供以上資料
Man Wai的網誌: http://1226manwai.blogspot.hk/
