Hello !
上回講到參觀完 "道の駅" 之後返 "札幌" 還車 .
不過還車前先要入油 , ENEOS油站 , 就在租車店隔離 ,
唔幫襯佢仲可以幫襯邊間 ?
乜都唔駛講 , 入滿丫 , 唔該 .
雖然冇明文規定一定要洗乾淨部車黎還 ,
不過若然唔係太貴 , 都可以試試 , 當見識部洗車機都唔錯 .
於是問佢至平既洗車Plan幾錢呀 ?
佢答 : 630Yen包攪掂 .
咦 ! 抵玩喎 , 成交 .
入完油 , 俾條車匙佢 , 佢鋪塊透明膠片在司機位度 ,
然後坐上去 , 駛去洗車位 , 先用噴水槍洗一輪 .
洗完第一輪先到戲肉 , 跟住輪到自動洗車機出場 .
洗完一大輪之後 , 最後步驟係風乾 .
仲未算攪掂架 , 駛過去另一邊用人手執D坑位 .
再吸埋地顫D污糟野 , 幾日都踩埋唔小沙石上車 .
最窩心係幫我掉埋呢幾日飲完既膠樽 ,
本來我諗住拎番酒店掉 , 都有3~5~7個架 .
唔該晒喎 , 第日飲茶 , 我既 . ^_^ !!
攪掂晒 , 過隔離街還車 , 雖然係隔離街咋 ,
不過都要行得好慢 , 免得地下D污糟雪 , 再次整污糟部車 .
係咪好似新車咁呢 ?
臨別秋波 , 本來想影多幾張先還車 ,
不過可能D職員在閉路電視見到有人還車 , 所以走出黎 .
咁就影住咁多先 , 交番條車匙同埋綠色本簿俾佢 ,
係咁咦兜個圈望望就 OK , 入去攪埋D手續 . (俾ETC咭高速費)
就要同呢部RAV4 講 Bye Bye , 話晒都出生入死過幾日 , 有感情嘛 .
P.S. : 洗車呢Part純屬個人喜好 , 唔一定要洗番俾佢 ,
倘若下次再還車 , 都未必會再洗車 .
~~~~~~~~~~~~~~~~~~~~~~~~~~~~~~~~~~~~~~~
拖住個篋往酒店 Check in , 經過 "札幌駅" .
一於順手有照 . Yeah !
聽日就在呢度搭JR出機場 .
不愧為 "札幌駅" , 果然充滿人氣 .
呢度熟口熟面 , 影過好多次 .
呢個地標都係 .
CROSS HOTEL , 比想像中難搵 , 幾經艱辛先搵到佢 .
黎多張 , 較光D .
Check in果陣 , 佢叫我俾埋房租先 . (平時多數都係走先俾)
冇所謂啦 , 始終都要俾架啦 , 唔會走你既 . XD
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/
