Hello !
呢篇網誌叫做 "號外篇" , 皆因所有相片 ,
都係由 Blog友 "Ng 兄" 仗義相贈 , 故此要特別鳴謝 .
話說早排與 Blog友講起 "尾岱沼" 有 "四方太陽" 睇 ,
於是四處搵料 , 睇過點解會有D咁稀奇古怪既現像 ?
至於點解會有呢個現像呢 ?
原來係類似 "海市蜃樓" , 所以要溫差好大果陣先會發生 .
而該篇網誌亦勾起 "Ng兄" 既回憶 ,
佢話依稀記起曾經見過呢個現像 , 在幾經艱辛反覆翻查之下 ,
終於發現到呢輯相片 , 並委託我將其編排在本網誌裡刊登 .
能夠令呢輯極其珍貴既大自然現像重見天日 ,
登時令到呢度生色不小 . ^_^ !!
首先據報當時係時間 16:00 , 地點係 "網走流冰館展望台" .
(令我一直以為日出先有既諗法 , 需要重新檢討)
而且以為 "尾岱沼" 先至睇得到既諗法亦要重新估計 .
黃色蛋黃一般既太陽 , 外面一層紅色圍繞 , 情況都幾詭異 .
記得我上次去 "網走" 果陣 , 又係冬季 .
當時又係晨咁早就日落 , 可惜無緣親身一見呢個現像 .
呢張有D似外星人飛碟 .
一度紅光傳送外星人落地面 .
開始有雲遮掩 .
要捕捉呢輯相都唔簡單 .
雖然唔係正宗 "四方太陽" ,
不過能夠見到呢個奇景 , 實屬難能可貴 .
Bye Bye !
P.S. : 再一次多謝Blog友 "Ng兄" 提供相片 .
多謝 ! (請鼓掌 ... )
感謝 Man Wai 提供以上資料
Man Wai的網誌: http://1226manwai.blogspot.hk/
