Hello !
今日係三月最後一個星期日 , 即係話好快就到四月 ,
不過距離5月尾仲有相當日子 , 唯有繼續搵料啦 .
~~~~~~~~~~~~~~~~~~~~~~~~~~~~~~~~~~~~~~~~~~
暫時對搵車都係投閒置散 , 主要都係搵景點 ,
得到Blog友提供 , 都有唔小好提議架 , 好似 : 俱多樂湖咁 .
呢度都聽過下 , 不過就唔多起眼 , 即使經過 "登別" 都冇諗過一遊 .
今次時間比較充裕 , 可以順路解決埋佢 . ^^
~~~~~~~~~~~~~~~~~~~~~~~~~~~~~~~~~~~~~~~~~~~~~~
之後又去番搵車呢Part , 除了 hokkaidotour 之外 , (價錢比較平)
不過唔知會唔會需要識日文先至租 , 滿心歡喜揀好車被拒絕呢種刺激 ,
我受得起一次 , 受唔起第二次 , 所以都係睇定D先 .
呢間成功指數比較高D , 價錢唔太貴之餘 , 車款亦都好多選擇 .
好似下圖呢3款 , 係我一直心儀既車款 .
Note ~ 唔駛多介紹啦 , 以往好似講過 , 有D似 AQUA. (不過唔係混能車)
Cube ~ 上次去 "北海道" 都有諗過 , 最後揀左 AQUA , 外型好似 bB .
Forester ~ 租價就最貴 , 之但係就最有型 , 似足當年租過既 Rav4 .
(Blog友 nono姐都好似係租 Forester 呢款車 .)
~~~~~~~~~~~~~~~~~~~~~~~~~~~~~~~~~~~~~~~~~~~~~~~
聽講 Tocoo 會焗外國人買多一份保險 , 七除八拆之下 ,
可能同 Toyota 差唔多價錢 , 其實依家都未決定到架 .
話唔定谷鬼氣繼續幫襯番 Toyota , 所謂做生不如做熟 ,
幫襯左好幾年 , 唔多唔小都有份感情 .
今次睇下感情分與新鮮感 , 邊一樣會取勝 . ^^
Bye Bye !
P.S. : 估唔到租部車都咁多學問 , 呢一點亦係好玩之處 ,
由一開始決定出門 , 無論景點 ~ 旅館 ~ 租車 ,
每一樣野都係抉擇 , 日日都腦交戰 , 務求做到最好 .
呢種感覺我鍾意呀 . Yeah !!
感謝 Man Wai 提供以上資料
Man Wai的網誌: http://1226manwai.blogspot.hk/
