Hello !
今日星期日 , 講番D輕鬆野 , 唔駛鋪鋪都剷人上天花板 . XD
就講近排熱爆既內地節目 "我是歌手2" .
第一次知道有呢個節目係在報紙裡面既娛樂版 ,
當時話 GEM 點勁點勁 , 起初都係不以為然 , 睇完就算 ,
之後睇 "英超" 時 , 中場廣告時段介紹呢個節目 ,
於是上星期五 (即係前日) 睇左佢第三集 ,
到 GEM 出場唱 "你把我灌醉" , Wow ~ 果然係技驚四座 , 勁呀 !
呢張相係第二集唱 "存在" 時既相片 .
果然係紅得有道理 , 之後上 Youtube 睇番佢之前兩集既表現 ,
終於明白 "天龍訣" 既歌詞 : 到處惶恐爭探問 , 問我是誰 .
看我傲然摘雲彩 , 更感畏懼 . 呢兩句係乜野意思 .
皆因 GEM 第一集出場時 , 個個都問 : 乜水呀 ??
難怪在內地 "百度風雲榜及美女榜" , 能夠壓倒 "蒼井空" .
不過人紅自然事非多 , 有報導話主辦單位有意邀請 "林憶蓮" 參賽 ,
之但係條件係要叮走 GEM . 呢單料我個人認為係流料居多 ,
因為 "林憶蓮" 既歌藝可能會在 GEM 之上 , 但論到聲色藝既色 ,
GEM 就絕對遠在 "林憶蓮" 之上 , 所謂寧買當頭起 ,
我相信主辦單位都唔會咁戇居 , 好坦白講 , 如果呢個節目冇
GEM 出場既話 , 我一定唔會睇囉 . (雖然佢地都唔會重視香港市場)
至於其他參賽者 , 實力都有番咁上下 , 不過我就唔多認識 .
好似 "周筆暢" & "韓磊" , 只係在網上聽過佢個名 , 從未見過佢真面目 .
仲有 "羅琦" & "韋唯" , 直情未聽過 , 至於 "張宇" , 早年聽過佢首
"用心良苦" , 最後係 "曹格" , 淨係知佢係飲醉酒同 "側田" 隻揪果位 .
所以 "香港" 觀眾只係識得 GEM 都不足為奇 , 希望佢繼續參賽落去啦 ,
咁既話我都會追睇落去 , 否則 ~ 好冇癮唶 . XD
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/
