Hello !
經過數日既調息 , 翻騰既血氣經已平復 , 今次就講下新聞啦 .
今日頭條 : 亂食日本成藥恐傷身 ...
呢單係1月20日 "晴報" 新聞 , 報導話 "香港人" 愛購日本藥物 ,
部份日本成藥在本地商店及網上亦有出售 , 但係呢D物未經註冊 ,
屬於違法銷售 , 衛生署更指出 , 部份熱賣退燒止痛藥 ,
含有可引發哮喘的成份 , 眼藥水甚至影響血壓及心跳咁話喎 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
唔講唔知 , 平時我去 "北海道" 時 , 經過藥房都會執番些小 ,
通常都係頭痛 & 傷風藥 , (以前有隻叫做 "鼻炎Cool: , 好正架 .
不過斷左貨 , 佢介紹種噴劑 , 都叫做OK啦) 至於頭痛 ,
如果發生為夜晚 , 只要瞓一覺就冇事 , 連藥都唔駛食 ,
若然發生在日頭 , 咁果隻叫做 EVE 既頭痛藥 , 就大派用場 .
之但係今次公佈既名單 , 連佢都榜上有名 , 話含有 "布洛芬"
(Ibrprofen) 喎 , 咁食唔食好呀 ? 下次去 "北海道" 買唔買好呢 ?
果盒都食得七七八八 , 只係剩番3樂粒 . >_< !!
真係唔睇就尤自可 , 睇到呢單報導 , 心裡始終有條刺 ,
唔知大家去 "日本" 時 , 有冇購買成藥既習慣呢 ?
好 ~ 講住咁多先 , 第日見 .
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/
