話說3月中知道本身答應我地11月結婚影相既朋友臨時甩底之後
拿拿臨上網睇攝影師資料, 睇下邊D岩我地STYLE
又係WOW度問下其他姊妹意見, 有冇相熟既介紹
好彩我一路都有係FACEBOOK KEEP住睇攝影既資料, 一路都有LIKE新既PAGE
咁果一兩日就SEND電郵問心水既仲有冇期, 同埋PACKAGE價錢
好多第二日先覆我, 大部份3分之1已經冇期了
好好彩係某個攝影師既FB FANPAGE見到輯感人既相片
再係WOW度SERCH下, 見到果對新人有發表評論
我有留言及PM佢, 但係又驚佢結完婚冇乜上黎WOW
咁岩佢有係FANPAGE留言咁我就直接FB MESSAGE佢, 仲好快回覆左我
就係咁我更有信心搵呢位攝影師, 仲話係佢介紹比左5%OFF我地(好過冇)
更加好彩係, 我地早一個星期搵佢, 因為佢攞左獎宜家加左價, 每個PACKAGE加左$3000
不過最緊要係佢影既相岩我地FEEL, 原來男友鍾意D自然既相, 唔鍾意顏色執得太多
同埋原來攝影師都係基督徒, 更加有親切感了
宜家我地JOIN左2P1V1A都係唔洗10K, 慳返既錢可以用係其他度啦
有幾點可以同大家分享:
1. 你地既BUDGET係幾多? 要上網搵下有冇評語
呢間一定要預左先, 好取決你搵咩公司或攝影師
我問左一間近排好HIT既, 因為前排上埋報紙做訪問, 嘩真係好貴
但係平既又要睇下有冇唔好既評語, 真係只會影1次, 冇得返轉頭
2. 你係想搵公司團隊或是獨立個體攝影師?
有D獨立既會同某D PARTY合作開, 例如Joy’s就同Artfeeling合作
3. 公司有指定攝影師影得好, 但係滿左, 你會唔會揀其他攝影師影?
好似JAN WONG咁, 佢自己個期滿左, 但係佢仲有另一條TEAM會影, 價錢當然平D但你會考慮嘛?
4. 你係想要幾P幾V同埋要唔要A添?
原來爭1個P/V/A相差2至7千都有, 所以都要睇新人預幾多BUDGET先
男友就唔想用多3000蚊請多個V拍條片, 而夜晚比人睇得果4分鐘
5. PACKAGE有冇包早拍晚播同埋成長片段?
原來有啲公司package係唔包架, 要另外加錢, 加錢既要睇下每樣加幾多
我見有間早拍晚播要加$1000, 整埋成長片段又要加$1000
6. 早拍晚播同埋成長片段究竟係SLIDESHOW定是MOVIE?
其實我都唔係好識分SLIDESHOW / MOVIE
總之如果包既, 睇下岩唔岩自己STYLE, 唔岩既就要另外洗錢搵人整或者自己整喇
不過貪心啲諗, 橫掂免費整左先算, 到時再諗播唔播啦
7. PACKAGE包幾多個鐘? 還是全日任影?
初頭有一間報8千幾, 但原來睇真D服務時間只包11小時
但一場婚禮朝早8半到夜晚11半, 岩碼都15小時
以佢咁計法每位每小時要加$200, 即係要多$2400
其實心水有3間都幾好,不過綜合以上幾點,變左相差三四千了