06-07/12/2013 day9-10 搖籃山dove lake+sheffield壁畫小鎮-墨爾本-返港（旅程支出明細）
day9行程:cradle mountain dove lake 遊湖-sheffield壁畫小鎮-返墨爾本 LST-MEL （宿flinders station backpackers）
day10:墨爾本返港
早上起來，天氣超級寒冷，搖籃山上的氣溫超低的，完全不想離開disvovery holiday park的房間，而且廁所廚房什麼的都在外面，沒法子，還是咬緊牙關穿好衣服準備到寒冷的室外去洗漱和去公共廚房煮早餐，阿姜和我分頭行事，他負責收拾行李放到車上準備退房。
由於香腸和雞蛋已用盡，所以用剩下來的海鮮和椰菜，所以早餐就弄了個海鮮椰菜熱狗包，賣相和味道都還好吧！另外我再把餘下的十多隻雞翼全部煎好，準備今晚帶回墨爾本hostel做晚餐(因為它新鮮肉類不能帶上飛機入境)。
吃好早餐我們就開車出發，前晚對面的搖籃山遊客中心停車場泊車，再轉乘景區內的shuttle bus，再一次前往搖籃山的dove lake，完成昨天下午因天氣惡劣緣故而未能完成的遠足。
今天早上天氣還不錯，久不久還看到有藍天，就是氣溫很低，穿梭巴士坐了半個小時到達dove lake，我們準備要走最經典熱門的徒步路線dove lake circuit，全程六公里，繞湖一周要走兩小時。
天意弄人，我們走了二十分鐘，又開始下雨，在湖畔風超級大…結果我們又再次跟昨天一樣，待不下去，再一次放棄，看來我們還是跟遊湖沒緣，哈哈，又坐車返回了…
返回停車場，當我倒車離開的時候，發生意外了，我車後面bumper撞到了後面的車，馬上下車檢查看到對方的車沒問題，而自己的車看來也沒事，那就以為沒事了，開車離去，還以為事情就這樣完結，誰不知麻煩在後頭，還車檢查時才發現右後方bumper歪掉，跑了一點出來，其實不是什麼大傷，如果我們早點發現，應該一腳踢過去就能夠回復，但給人家檢查才發現，最後被逼賠償。哎呀，真的是臨尾香！這個轉頭再講。
開車大約一小時，到達今天另一個景點壁畫小鎮sheffield。小鎮在搖籃山到launceston途中，能順路遊覽。小鎮地方不大，用走路的不用一個小時就可以參觀完，但卻是一個觀光勝地，因為這裏街頭巷尾的牆身上都畫滿壁畫，大大小小合共應該過一百幅，本來術氣息。當年旅遊節目'現代塵世美'，陳奕迅有到此一遊，鎮上的其中一幅壁畫也是他的真跡呢(不過我沒有找到)！
小鎮非常特別，建築物都保留維多利亞式的風格，我們在一家快餐店草草吃過午餐，吃了個fish and chips，又貴又不好吃。後來在鎮上的超市買了提子，新買了一款超大排的吉百利朱古力，內有焦糖脆脆及橡皮糖，又便宜又好吃！
在壁畫小鎮到處拍照，後來看時間都不早了，就先去入$30油（油缸又full了，不過到launceston又差少少，再响市區入多五蚊，點知去到機場又唔full，最後又去機場油站入多$10）。
驅車返回launceston，從這裏過去車程大約一個小時，我們會在launceston市區的大型超市coles進行最後採購，買手信返香港，因為這幾天基本上我都沒有買過任何東西，物價太高了！最化算的還是在超市買，我買了不少澳州特產如塔斯馬尼亞革木蜂蜜(超市買大約$5，外面買要$10)，堅果，tim tam朱古力餅等。
最後採購完畢，開車前往機場，從launceston市區開車到機場大約只需要十五分鐘。到達機場budget還車處，泊好車，工作人員前來檢查車身，卻發現右後方bumper歪了突了一點出來，查證後發現取車時並沒有這問題，最後我要趕在上機前，進去機場budget櫃檯，馬上就要用信用卡付款$300au墊底費(幸好已經買了budget租車公司的excession reduction保險，不過這個保險並不是保到$0，下次如果要租車寧願付多一點保險費，保障額一定要包到零賠償)。
最後一天竟然臨尾香。賠償後心情有點不高興，算，當破財擋災。幸好有買excess reduction，已經算賠得少。另外，我出發前有在dbs星展銀行網上買了旅遊保險(平時我都買滙豐，不過滙豐沒有包租車賠償，所以今次轉買dbs)，其中有一項就是包自駕遊租車賠償及墊底費，唯有但願能夠返港後，claim到保險，取回$300au的賠償，成功的話就是零損失(已成功CLAIM了)，不過經過這次經驗之後決定以後選擇租車公司，一定要選擇有保險包到零賠償，雖然保險價錢比租車費用還貴，不過出來玩求安心，始終在外地駕駛地勢環境都不同，意外就是意料之外，駕駛技術高超也很難預料的，所以買足保險就可以撞到也不用擔心要賠錢。
不講廢話，繼續行程。在機場櫃檯繳完款，馬上到航空公司櫃檯check in，因為價錢問題，我倆並不是坐同一個航班，我坐17:00澳航的班機返去墨爾本，而呀姜就會坐19:00 jetstar的航班。所以說我們各自要在機場等大家兩小時。呀姜坐的廉航對行李有嚴格管制，而我就沒有，所以我就幫他拿了他的大背包，幫他減重幾公斤。
我坐的是螺旋槳小型飛機，一機能坐五十人左右，一個小時左右就返回墨爾本，內陸機海關管制不嚴格，基本上入境墨爾本都再沒有檢查行李。到達後我坐在機場地板上邊充電邊玩手機等阿姜到，及再到這邊的budget租車櫃檯再次詢問有關賠償給收據的事宜。
等兩個小時多之後他就到達，一起坐skybus出市區，二十分鐘後就抵達southern cross station，再轉乘skybus免費的小巴，送到今晚入住的 Flinderstreet backpacker hostel，這間青年旅館很大，位置非常方便在市中心，入住的都是年輕人，附近應該有很多酒吧之類的，剛巧今天是週末所以人人都去party，電梯裡碰到的都是去飲酒狂歡的，在房間裡也聽到音樂聲很大，這絕對是一家party hostel，不過感覺也安全。今晚我們入住四人房，$27au($194hkd)一床位，算便宜，房裡沒有廁所，需要使用公共衛浴。我們今晚超幸運，分配到的房間都沒有其它人入住，所以四人房給我們包了，不需要跟陌生人同房！
由於來到時間都不早了，我們安頓好就馬上去洗澡和打電話去預約明早skybus shuttle mini bus來酒店接我去機場。
之後到公共廚房去煮晚餐，今晚我們吃咖喱雞翼飯，雞翼今早已經煮好，放到微波爐去叮熟就可以，而白飯就前晚在launceston backpacker時煮好帶過來的(兩晚隔夜，不過天氣凍絕無變壞 ;-) ，經過多日煮食，我已經成為小廚神，三兩下就煮好食得，而且同前幾日一樣好吃，因為今日早起，極疲倦，快速食完就休息去，準備一早就起床坐機返港。
其實就睡了幾個小時，最後一天就早上七點就check out離開，到樓下街上去等昨晚預定好的機場skybus shuttle。機票原因，呀姜他玩多三日才走，所以我們在此分道揚鑣。我準時坐最早七點半shuttle，到southern cross大約八點多，差不多九點到機場。到澳航counter check in很順利，很幸運，因為當天機位緊張，只淨四個空位，而且有兩個staff，我priority排第二，但竟不用等counter close不用 standby，馬上放我入去！我知道早幾天甚至有同事full到上不到機，也有同事要等到起飛前45mins才放行要跑餐死…我好運，仲有時間行duty free…直航返港，坐九個多小時，無難道，好快就返到香港，今次澳洲之旅在此劃上句號！
是日消費：
前一晚住宿discovery holiday park$97/2=48.5
Sheffield入油$30/2=15
超市買提子$2.25/2=1.13
午餐fish n chips+burger$20.8/2=10.4
超市買朱古力兩排$12/2=6
Launceston coles超市最後採購$54.05
機場入油$15/2=7.5
Flinderstreet backpacker$27
Mel機場巴士車票$28/2=14
合共：$183.58au
塔斯曼尼亞租車費用:$606.25au(6days8hrs)
租車公司: budget car rental
suzuki swift 或同級自動波汽車:$203.64AU(六天，最後我們租到的是日產)
excess reduction保險費用及gps租用:$205.06(保險雖然不便宜但一定要買！)
其他雜費稅項:$197.55AU
十天支出(買食住租車)：（不計租車賠償$300au，claim了旅遊保險）
$1308.06au×7.2=$9418hkd
機票：
International hkg<->mel$2205hkd (qantas)
Mel-hba$1322hkd (jetstar)
IST-MEL $347hkd (qantas)
十天總支出（買食住機票租車）
$13292hkd
有圖有真相，去片！
朝早起身，勁唔想離開個床鋪，不過廁所系出面，行出去真系凍到嘔啊！喱個就系廁所……好似系森林入面咁
![]()
去公共廚房煮早餐食，腸仔，芝士，雞蛋已經用完，唯有用凈低嘅海鮮同椰菜，整左只熱狗，好彩廚房有人有茄汁……如果唔系就會無味
另外我仲煎曬所有雞翼，有十幾隻咁多，因為我怕生肉唔可以坐飛機帶入境，所以煎好曬，留翻今晚做晚餐
食完早餐收拾細軟，退房去。外面停車場是咁的，停滿曬車
揸車去翻reception退房
再揸車去附近嘅啊搖籃山visitor centre等景區穿梭巴士，琴日買嘅門票今日仲可以用，有效廿四個鐘。穿梭巴士早上每二十分鐘一班
visitor centre賣的wonbat及tasmania devil手偶，好得意啊
等左一陣終於有車，坐車進入景區(要想自駕進景區唔係唔得，不過我計過數張門票會比較貴，唔抵，寧願買個人票)
車上沿途風光，今日天氣好好多啦！我應該可以成功遊湖喇掛？
但入到嚟依然有啲天陰陰……
有一隊五顏六色嘅日本姨姨團殺緊入嚟，我見到佢地全部都著住超多衫
dove lake依然系凍到不得了
好大風啊，覺得自己企系度會吹左落湖
其實搖籃山系咪長年都天氣麻麻地架，今日天氣都唔好嘅
景色無形容中咁靚，冇乜特別嘅一個湖，啲水凍到冰咁
好凍好大風，而且仲要又落雨
行多一陣，覺得其實都無乜野睇，可能因為天氣唔好咁，個湖都唔系咁靚
與其系度浪費時間同凍，倒不如早d去第二度玩，所以我地影咗張相就走了
揸車離開，去到今日第二個景點壁畫小鎮sheffield，響路邊泊低架車就落車周圍行，一間書店內見到有個鋼琴寫住play me
好有小鎮風情嘅店鋪，喱間系書店
糖果店，糖果可以一粒粒嘅買
行下行下嚟到遊客中心，入去拎翻個地圖先
小鎮雖然唔大，但處處都系壁畫，仲要畫得好靚
好有愛的小屋擺設
好得意
其中一張幾靚嘅壁畫
喱個公園內有多張得獎作品
每一張都好有特色
又嚟一間小屋擺設響路邊，細細間好得意
小型超市，我入去買左d提子
小鎮好細，其實唔洗一個鐘左右就行完，不過真系值得一來，好精緻
去快餐店食午餐
好昂貴的fast food
買咗個fish and chips齋睇都知唔好食，又貴到嘔，要$8.9au($64hkd)
食完嘢繼續行，好有特色的cafe外牆
融入其中
耕田
漂亮的大型壁畫
呢張五顏六色好靚啊
駿馬奔騰圖，我又跑埋一份先
甯靜的小鎮，冇乜人
途經一間超市，爭取最後機會入去採購，澳洲必買朱古力！上面數落嚟第二排最左邊果只超好食，入面有啫喱糖及焦糖脆脆
喱隻超好食，入面有啫喱糖！！仲要特價$2.99au勁大塊！行完超市我地就直接揸車翻launceston市中心嘅大型超市coles最後購物，買左好多野食，有果仁，timtam朱古力餅，leatherwood 蜂蜜等等
之後就揸車返機場還車，比budget嘅職員檢查下先發現有撞到架車（白色雀屎來的唔關事）。睇黎今早響搖山停車場，撞歪左少少右邊bumper，即刻要賠墊底費$300au（已經買左租車公司嘅excession保險，如果唔係賠得仲勁）好貴呀，最衰無左早發現，如果唔係分分鐘一腳踢返佢入去都有可能搞掂。
正常嘅另一邊係咁的。唉呀，好彩我有買足保險，墊底費$300au雖然要賠左先（當下幾驚claim唔返），但我响香港出發前買左星展銀行dbs msig嘅旅遊保險，佢有保租車賠償最多$5000hkd，所以我返香港就claim返，claim過程都方便，強力推薦！下次去旅行自駕遊一定會再買佢，多一重保障！不過我下一次會盡量揀有保險保障到零賠償嘅租車公司，唔洗煩
處理完租車賠償d煩野，就即刻上機，我坐澳航走返墨爾本先，好細隻機呀
起飛喇，byebye
鳥瞰塔斯曼尼亞，好靚
因為唔係廉航，短短嘅機程都仲有餐食添！好靚嘅餐盒
入面有餅乾，芝士，朱古力等乾糧
响機場等左兩個鐘同呀姜會合返之後就坐返skybus再轉free shuttle出返市區，來到flinder street ststion，好古式嘅建築
今晚入住flinder street backpackers，好大間嘅party hostel，位置方便，附近乜都有，今晚仲住四人房其餘兩個床位無人住，我倆包房爽歪歪！太夜又攰又餓，房間我唔記得影相添。落左公共廁房煮飯食，雞亦今早煎好左，白飯就前日煮嘅（好彩天氣凍無壞），所以叮返熱，再煮返咖哩就好快食得！一樣好美味！
訓醒最後一朝我晨早就走，落返flindet street station附近坐airport shuttle去機場返香港，車站日頭睇好似仲靚
成功上機，澳航真係幾正，機上有吉百利朱古力飲，仲要加棉花糖！
第一餐我無食訓左，第二餐嘅pizza好好食呀~坐九個鐘好快就返到香港，今次嘅塔斯曼尼亞之旅就此完結！
感謝 JoanneK 提供以上資料
JoanneK的網誌: http://joannektravel.blogspot.hk/
