0

暢遊東歐 (物價篇) * 2010

小地勤點滴 於 2014-04-07 07:46:41 發表  |  累積瀏覽 541

分類:長線旅遊
好多朋友都跟小妹講 , M 記最能夠反應當地物價指數 , 所以小妹跟萍果就係布拉格到証實一下朋友既理論 . 原來布拉格都有 365 日精選 , 價錢跟香港差不多呢 ! 測試後 , 我跟萍果每天都會到餐廳吃飯 . 以前到歐洲玩 , 整個行程都只是得一 , 兩餐在餐廳吃 , 今次因為東歐物價指數跟香港差不多 , 才有這個膽量!
十多天的行程中 , 只有奧地利是用歐羅 , 小妹手頭上的歐羅可是 1  11  ! 跟前年一比 , 貴了很多 .至於捷克是用克郎的 , 小妹於布拉格火車站的 ATM 換回來 , 神奇的是火車站的 ATM 是沒有 PLUS , 但錢又真的出來了 ! 小妹是用恆生的 EPS , 5000 郎等於 HKD 2040 ( 已包括 30 元手續費 ) . 我跟萍果在捷克那麼多天都只是合用 6500 郎左右 . 而匈牙利比捷克更便宜 , 我跟萍果在車站附近的找換店換錢, 1 歐對 272  ! 小妹跟萍果每人用 100 歐換當地貨幣 , 結果臨走前卻換回了 100 歐元 . 真的很誇張 ,玩了三天兩人才用 100 歐呢 !
捷克銀仔跟匈牙利大紙 , 分別是 HKD 1 : 2.45 以及 HKD 1 : 24 .7 , 不知下次再到東歐 , 物價會升了多少 ?

的確 , 小妹跟萍果都是慳妹一名 , 比較過晚餐跟午餐的價格後 , 出外都只是吃午餐 , 晚餐是自己煮 , 體貼的萍果帶了一個 mini cooker , 煮食很方便 . 別以為我們歐遊好像搬家那樣 , 帶很多東西 , 我跟萍果都只是帶了一個手提行李 size 既篋 , 外加一個旅行袋 ( 回程時裝手信用 ) . 我的行李內只有化妝品 , 三對鞋 ( 拖鞋 , 娃娃鞋加對 boots ) , 兩件外套 ( 一厚一薄 ) , 一套睡衣和五件連身裙以及牛記一條而已 .女生來說 , 我們不算帶太多東西吧 !
第一日黎到布拉格 , 安頓後都成四點 , 其實小妹唔太肚餓 , 只係為左印證朋友既理論 , 所以黎左國立博物館前面間 M 記食 365 日精選 , 計返都只係 8 蚊一件 . 臨行前 , 萍果係網上見到有人話捷克既芝士波好味 , 所以我地都買左黎試下 , 原來裡面係蕃茄唔係辣漿 , 又真係幾好味 ! 蕃茄芝士波有 5 粒 , 大約 18 蚊 , 咁就一餐 , 同香港差唔多 !

布拉格的景點區有很多小食車賣熱狗 , 真的很美味 , 香腸有很多種類 , 我只吃了紅色那種 , 咬了朋友 K 的白色那種 , 味道怪怪的 ! HKD 20 一大支 , 害我晚上都不用吃晚餐 . 由於東西比我想像中便宜 , 酒店都放了一大堆零食 , 每天也吃得很開心 !

係布拉格古城區做左水魚 . 因為小妹係第一次正正式式咁係餐廳食晚飯 , 所以唔知點樣 order 食物 . 明明入去時 , 個職員話係 set dinner , 有沙拉 , 主餐同飲品 . 一坐低 , 個 menu 就唔同左 , 要逐樣比錢 , order 時佢話無 set dinner , 個刻小妹同朋友都呆左 . 起身走人又好樣衰 , 迫著食 ! 好采都只係每人食左 HKD 150 而已 , 雖然唔太貴 , 但個心食得唔舒服 ! 
依個就係焗薯以及捷克傳統菜 , 應該係牛肉同幾塊蒸鬆糕配左柸 HKD 30 既啤梨汁 .

匈牙利傳統餐 . 原來係門口介紹個位叫馬夫 , 反而捧餐個位先係 boss , 呆左 ! 人多最好了 , 每樣都可以試下 . 個酸菜有少少苦味 , 而且裡面包住肉鬆同飯 , 好似上海痴飯 , 另外兩個係雞同牛配麵糰粒粒 , 怪怪地 ... 間餐廳係大市集前面 , total 食左 HKD 400 左右 , 景點區價錢 , 都唔太貴 .

未吃主菜時 , 先來了一藍麵包跟 goulash 牛肉湯 , 吃完枱上的東西 , 小妹已有飽的感覺 . 說回那個書上推介的湯 , 感覺就是媽媽的蕃茄薯仔湯 . 別看它紅得很 , 一點也不辣啦 , 沒騙大家 , 你們下次也可以試試看 !

匈牙利城堡下既一間平民餐廳 , 小妹跟萍果行到腳軟 , 見到見餐廳特別多人 , 而且唔係遊客樣 , 我地諗都唔諗就入左去食午餐 . 都係個句睇唔明個餐牌 , 睇圖畫同偷望其他人食緊既野 , 叫左個雜菜 , 薯仔同咖哩飯 , 依到先 HKD 80 , 好大碟 , 夠我地三個人食 !

大市集遊客必到景點 , 上層賣紀念品 , 下層賣肉食 . 一直都好想試下當地小食 , 真係好好味 , 雖然個樣唔太吸引 , 但比起餐廳食到個餐好味好多 ! 每碟 HKD 25 , 平到你唔信 !

黎到 salzburg , 已經成四點 , 係火車站既 cafe 食左件 cake , 每件 2.5 歐左右 , 跟香港差不多啦 , 而且食到好飽 , 一件太甜 , 一件太酸 , 我以後都唔想再食歐洲 cake 啦 !

在 salzburg 的城堡山下吃了個意大利麵 , 萍果說很久沒吃過了 , 味道不錯 ! 但我兩最欣賞的是那件炸豬排 , 超味美 ! 如果我在 salzburg 待久一點 , 小妹必定天天來餐廳報到 ! 總共吃了 HKD 150 . 其實這個價錢跟香港外出唱一次 K 差不多啦 , 所以應該算平吧 !

這個是小妹跟萍果的晚餐 , 我們來到cafe 時已經五點多了 . 小妹一直嚷著要渴咖啡 , 強迫萍果來這裡 , 萍果人真的很好 , 她不渴奶跟咖啡 , 卻會買給小妹渴 . 最後一天在維也納 , 終於吃到萍果派跟維也納咖啡 , 而且好好采地中獎 , 送多一柸咖啡 . 這樣一餐 HKD 55 左右 .

由於小妹酒店有早餐 , 再加上每每到當地都已經是下午 , 吃了 TEA 就沒胃口 . 以及小妹擔心歐洲食品太貴 , 跟萍果從香港搬了一堆吃的來 , 行程到結尾也沒吃完 ... 結果外出吃飯機會不多 ! 如果大家是來東歐 , 真的不用帶太多吃的來 , 因為這裡東西不貴啦 ! 朋友 K 說捷克雪糕跟歐洲其他地方吃到的不同 , 小妹跟萍果就每天也吃一柸 , 即使搬來一堆食物 , 行 supermarket 時 , 還是見平就買 , 買了一大堆 , 吃不完送朋友 ...
鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:1日以上
    是次消費:N/A
0人比"掂"

最多能輸入300字

累積瀏覽 495832

全部攻略 711

全部回應 4285