格仔餅 每一個香港人都可能會接觸過或者品嚐過
街口 屋企附近都總有一家店會賣這一種"地道香港食品"
亦都可能有人會第一時間諗起 "北角雞蛋仔"
始終雞蛋仔同格仔餅好似係永不分離 成雙成對咁出現
本人對雞蛋仔由細到大都無咩特別興趣 但我就鍾情於格仔餅
油尖旺很多家吃過 來來去去都一係唔夠熱 唔夠鬆脆 饀料太多或太少 緒如此類
北角那家出了名以後就水漲船高 商業化 就變得沒有了那份熱誠
幸好的是家附近還有一家 「平。靚。正」的小店 繼續提供高水平的格仔餅
熱烘烘 即叫即製 有timer作時間控制 用心之處 人人皆見
饀料恰到好處 唔會多到漏 又唔會少到見唔到
熱辣辣又鬆脆既外皮 當你咬過一口後 你會發覺" 咦! 乜咁快食完既??"
食完係有d失落 失落在於享受時間太短了.....十蚊唔洗就有咁多感覺 真不賴呢!!
這一家店在餐廳的一角 開放時間不長 但我每次大約5-6時去都總會在開業
不妨一試 當然不要期望佢每一次都可以制造同一質量的格仔餅 始終都有機會失手呢 嘻嘻!!
店名: 不詳
地址: 深水埗九江街近元州街的一角
感謝 Bu Boy 提供以上資料
Bu Boy的網誌: http://buboyhk.blogspot.hk/
